OnePlus ही अशी कंपनी आहे जी प्रीमियम स्मार्टफोन सेगमेंटमध्ये सॅमसंग आणि शाओमी सारख्या कंपन्यांना टक्कर देते. त्यामुळे अँड्रॉइडचे चाहते वनप्लसच्या फ्लॅगशिप स्मार्टफोन्सची वाट बघत असतात. अशाच एका प्रीमियम वनप्लस डिवाइसची भारतात एंट्री झाली आहे. OnePlus 10 Pro भारतात 12GB RAM, Qualcomm Snapdragon 8 Gen 1 चिपसेट, 32MP Selfies Camera आणि 80W SuperVOOC सारख्या स्पेसिफिकेशन्ससह आला आहे.
OnePlus 10 Pro चे स्पेसिफिकेशन्स
वनप्लस 10 प्रो चे सर्वच स्पेक्स दर्जेदार आहेत. याची सुरुवात 6.7 इंचाच्या 2के फ्ल्यूड अॅमोलेड एलटीपीओ 2.0 डिस्प्लेपासून होते. पंच-होल डिजाईन असलेला हा डिस्प्ले 120 हर्ट्ज रिफ्रेश आणि 480हर्ट्ज टच सॅम्पलिंग रेटला सपोर्ट करतो. कोर्निंग गोरिल्ला ग्लास विक्टस प्रोटेक्शनसह यात एचडीआर10+ आणि एमईएमसी सारखे फीचर्स मिळतात.
वनप्लस 10 प्रो लेटेस्ट अँड्रॉइड 12 आधारित कलरओएस 12.1 वर चालतो. प्रोसेसिंगसाठी या फोनमध्ये क्वॉलकॉमचा सर्वात पॉवरफुल स्नॅपड्रॅगन 8 जेन 1 चिपसेट देण्यात आला आहे. सोबत 12GB वेगवान LPDDR5 RAM आणि 256GB लेटेस्ट UFS 3.1 storage देण्यात आली आहे. बेसिक कनेक्टिव्हिटी फीचर्ससह यात इन-डिस्प्ले फिंगरप्रिंट सेंट देण्यात आला आहे.
हा स्मार्टफोन ट्रिपल रियर कॅमेऱ्याला सपोर्ट करतो. ज्यात 48 मेगापिक्सलचा प्रायमरी सेन्सर, 50 मेगापिक्सलची सेकंडरी लेन्स आणि 8 मेगापिक्सलचा थर्ड सेन्सर देण्यात आला आहे. यात 32 मेगापिक्सलच्या फ्रंट कॅमेरा आहे. पॉवर बॅकअपसाठी या फ्लॅगशिप किलरमध्ये 5,000एमएएचची बॅटरी देण्यात आली आहे. ही बॅटरी 80W वायर्ड फास्ट चार्जिंग, 50W वायरलेस चार्जिंग आणि रिवर्स चार्जिंग टेक्नॉलॉजीला देखील सपोर्ट करते.
OnePlus 10 Pro ची किंमत
वनप्लस 10 प्रो स्मार्टफोनचे दोन व्हेरिएंट भारतीयांसाठी सादर करण्यात आले आहेत. ज्यात 8 जीबी रॅम आणि 128 जीबी इंटरनल स्टोरेज असलेल्या बेस मॉडेलचा समावेश आहे, जो 66,999 रुपयांमध्ये विकत घेता येईल. तर 12 जीबी रॅम आणि 256 जीबी इंटरनल स्टोरेज असलेल्या मॉडेलसाठी 71,999 रुपये मोजावे लागतील. वनप्लस 10 प्रो येत्या 5 मार्चपासून विकत घेता येईल.