Nothing नं आपल्या सर्वात पहिल्या Android स्मार्टफोन Nothing Phone (1) ची अधिकृत माहिती काही दिवसांपूर्वी दिली होती. तेव्हापासून हा हँडसेट चर्चेचा विषय ठरला आहे. कार्ल पे यांनी वनप्लस सोडल्यानंतर पहिल्यांदाच ते स्मार्टफोन लाँच करणार आहेत. ताज्या लिक्सनुसार, हा फोन BIS सर्टिफिकेशन वेबसाईटवर दिसला आहे. त्यामुळे फोन लवकरच भारतात येणार हे निश्चित झालं आहे.
टिप्सटर मुकुल शर्मानं ट्विटरवरून सांगितलं आहे की, Nothing Phone (1) स्मार्टफोनची भारतातील इंटरनल टेस्टिंग अंतिम टप्प्यात आली आहे. तसेच हा फोन Bureau of Indian Standards (BIS) सर्टिफिकेशन वेबसाईटवर देखील दिसला आहे. या लिस्टिंगमधून फोनच्या A063 या मॉडेल नंबरची माहिती मिळाली आहे.
Nothing Phone 1 चे संभाव्य स्पेक्स
एका टिपस्टरनं दिलेल्या माहितीनुसार, Nothing Phone 1 मध्ये 6.43 इंचाचा FHD+ AMOLED डिस्प्ले मिळू शकतो, जो 90Hz रिफ्रेश रेटला सपोर्ट करेल. फोनचा डिस्प्ले HDR10+ सपोर्टसह येऊ शकतो. हा फोन Qualcomm Snapdragon 778G प्रोसेसरसह येईल, ज्यात 8GB पर्यंत RAM मिळू शकतो. सोबत 128GB स्टोरेज मिळू शकते. हा फोन Android 12 ऑपरेटिंग सिस्टमवर आधारित Nothing OS वर चालेल.
या फोनचा कॅमेरा सेगमेंट पाहता, फोनच्या मागे ट्रिपल रियर कॅमेरा सेटअप मिळू शकतो. ज्यात प्रायमरी कॅमेरा 50MP चा असेल. त्याचबरोबर 8MP ची वाईड अँगल लेन्स आणि 2MP चा मॅक्रो कॅमेरा मिळू शकतो. सेल्फी आणि व्हिडीओ कॉलिंगसाठी फोनमध्ये 32MP चा कॅमेरा दिला जाऊ शकतो. Nothing Phone 1 मध्ये 4,500mAh ची बॅटरी मिळेल. विशेष म्हणजे या फोनमध्ये वायरलेस चार्जिंग दिली जाऊ शकते.
टिपस्टरनं ही माहिती Amazon वर उपलब्ध असलेल्या Nothing Phone 1 च्या युजर मॅन्युअलमधून दिली आहे. परंतु Nothing Phone 1 ची किंमत मात्र लीक झालेली नाही. फोनचे फीचर्स पाहता हा डिवाइस 30 ते 35 हजारांच्या आत सादर केला जाऊ शकतो.