Nokia चे फिचर फोन अनेकांसाठी जुन्या आठवणी घेऊन येतात. कंपनी अजून देखील स्मार्टफोन्स सोबतच फिचर फोन देखील सादर करत असते. आज Nokia G21 या स्मार्टफोन सोबत Nokia 105 आणि Nokia 105 Plus हे दोन Feature Phones भारतात सादर करण्यात आले आहेत. फिचर फोन्स जबरदस्त बॅटरी बॅकअप देतात आणि यांची किंमत 1,299 रुपयांपासून सुरु होते.
Nokia 105 आणि Nokia 105 Plus चे स्पेसिफिकेशन्स
पावर बॅकअपसाठी नोकिया 105 मध्ये 800एमएएच बॅटरी देण्यात आली आहे तर नोकिया 105 प्लस फीचर फोन 1,000एमएएच बॅटरीला सपोर्ट करतो. हे दोन्ही नोकिया मोबाईल सिंगल चार्जमध्ये 12 तासांचा टॉक टाईम देतात. हे फोन्स 18 दिवसांचा स्टँडबाय टाईम देखील देतात, असा दावा कंपनीनं केला आहे.
नोकिया 105 आणि नोकिया 105 प्लसमध्ये 1.77 इंचाचा क्यूक्यूवीजीए डिस्प्ले देण्यात आला आहे. या फोन्समध्ये जुना टी9 कीबोर्ड देण्यात आला आहे. डिस्प्लेच्या वरच्या बाजूला स्पिकर देण्यात आला आहे. हे मोबाईल 3.5एमएम जॅक आणि मायक्रो यूएसबीला सपोर्ट करतात. हे दोन्ही फीचर फोन 2जीला सपोर्ट करतात.
नोकिया 105 प्लस मध्ये 32जीबी पर्यंतचा मायक्रोएसडी कार्ड लगाया जा सकता आहे. हे फोन एस30+ ऑपरेटिंग सिस्टमवर चालतात. नोकिया 105 फोन 4 एमबी रॅम आणि 4 एमबी इंटरनल स्टोरेज मिळते. Nokia 105 फोनमध्ये टॉर्च लाईट व क्लॉसिक नोकिया गेम देण्यात आला आहे. तर Nokia 105 Plus मध्ये एमपी3 प्लेयर आणि ऑटो कॉल रेकॉर्डिंग सारखे फीचर्स मिळतात. दोन्ही फोन्स वायरलेस एफएम रेडियोसह येतात.
किंमत
Nokia 105 आणि Nokia 105 Plus ची किंमत अनुक्रमे : 1,299 रुपये आणि 1,399 रुपये आहे. हे फोन चारकोल आणि रेड कलरमध्ये विकत घेता येतील. यांची विक्री लवकरच रिटेल स्टोर्स, Nokia.com आणि ई-कामर्स प्लॅटफॉर्म्सवरून केली जाईल.