Motorola ने गुरुवारी आपल्या G series अंतर्गत अर्धा डझन स्मार्टफोन सादर केले. यात Moto G41 आणि Moto G31 या बजेट स्मार्टफोन्सचा समावेश आहे. या स्मार्टफोन्समध्ये Mediatek Helio G85 चिपसेट, 6GB पर्यंत RAM, 128GB स्टोरेज आणि 5000mAh ची बॅटरी देण्यात आली आहे.
Moto G41 आणि Moto G31 चे स्पेसिफिकेशन्स
मोटोरोला Moto G41 आणि G31 च्या दोन्ही स्मार्टफोन्सच्या स्पेक्समध्ये जास्त अंतर नाही. Moto G41 आणि G31 स्मार्टफोनमध्ये ट्रिपल रियर कॅमेरा सेटअप मिळतो. G41 मध्ये OIS सपोर्टसह 48MP चा मुख्य कॅमेरा आहे तर, G31 मध्ये 50MP चा मुख्य कॅमेरा मिळतो. त्याचबरोबर दोन्ही फोनमध्ये 8MP ची अल्ट्रा वाईड अँगल लेन्स आणि 2MP मॅक्रो लेन्स देण्यात आली आहे. हे दोन्ही मोटोरोला फोन 13MP च्या फ्रंट कॅमेऱ्याला सपोर्ट करतात.
Moto G41 स्मार्टफोनमध्ये 6GB पर्यंतचा रॅम आहे तर Moto G31 4GB पर्यंतचा रॅम मिळतो. दोन्ही फोनमध्ये 128GB पर्यंतचे स्टोरेज ऑप्शन मिळतात. ही स्टोरेज वाढवण्यासाठी मायक्रोएसडी कार्ड स्लॉट देण्यात आला आहे. दोन्ही फोनमध्ये 6.4-इंचाचा FHD+ OLED डिस्प्ले देण्यात आला आहे. तसेच दोन्ही डिवाइस मीडियाटेकच्या ऑक्टा कोर Helio G85 चिपसेट आणि Mali G52 GPU सह सादर करण्यात आले आहेत.
Moto G41 आणि G31 स्मार्टफोनमध्ये 5000mAh बॅटरी देण्यात आली आहेत. G41 मध्ये 30W फास्ट चार्ज सपोर्ट मिळतो तर, G31 मधील बॅटरी 10W फास्ट चार्जिंगने चार्ज करता येते. दोन्ही स्मार्टफोनमध्ये 3.5mm ऑडियो पोर्ट, USB Type-C पोर्ट असे कनेक्टिव्हिटी ऑप्शन मिळतात. त्याचबरोबर IP52 रेटिंग आणि साइड माउंटेड फिंगरप्रिंट सेन्सर देण्यात आला आहे.
Moto G41 आणि Moto G31 ची किंमत
Moto G41 स्मार्टफोन 249.99 यूरो (सुमारे 21,032 रुपये) मध्ये सादर करण्यात आला आहे. तर Moto G31 स्मार्टफोनची किंमत 199.99 यूरो (सुमारे 16,825 रुपये) ठेवण्यात आली आहे. सध्या युरोपात आलेले हे दोन्ही मोटोरोला स्मार्टफोन लॅटिन अमेरिका, मिडिल ईस्ट आणि भारतासह आशियात लाँच केले जातील.