Motorola Moto G51 स्मार्टफोन काही दिवसांपूर्वी युरोपियन बाजारात दाखल झाला होता. हा कंपनीचा स्वस्त 5G Phone आहे, जो लवकरच भारतात दाखल होणार आहे. हा डिवाइस स्नॅपड्रॅगॉन 480+ प्रोसेसरसह भारतात येणारा पहिला फोन असेल, असे 91मोबाईल्सने सांगितले आहे. रिपोर्टनुसार, Moto G51 5G फोन भारतात डिसेंबरमध्ये लाँच केला जाईल. या फोनमध्ये पहला स्नॅपड्रॅगन 480 प्लस प्रोसेसर दिला जाऊ शकतो.
Moto G51 5G ची किंमत
Moto G51 स्मार्टफोन 229.99 यूरो मध्ये सादर करण्यात आला आहे. ही किंमत सुमारे 19,349 भारतीय रुपयांमध्ये रूपांतरित होते. हीच किंमत भारतीय लाँचच्या वेळी दिसेल अशी अपेक्षा आहे. हा स्मार्टफोन ब्राईट सिल्वर, इंडिगो ब्लू आणि अ‍ॅक्वा ब्लू कलर व्हेरिएंटमध्ये उपलब्ध होऊ शकतो.
Moto G51 5G चे स्पेसिफिकेशन्स
Moto G51 5G स्मार्टफोनमध्ये 6.8 इंचाचा FHD+ LCD डिस्प्ले देण्यात आला आहे. हा पंच होल डिस्प्ले 120Hz रिफ्रेश रेटला सपोर्ट करतो. पॉवर बॅकअपसाठी Moto G51 5G मध्ये 5,000mAh ची बॅटरी देण्यात आली आहे. या फोनमध्ये 3.5mm ऑडियो पोर्ट, USB Type-C पोर्ट, गुगल असिस्टंट बटन, IP52 रेटिंग, डॉल्बी अ‍ॅटमॉस आणि साइड माउंटेड फिगर प्रिंट सेन्सर देण्यात आला आहे.
Moto G51 चा कॅमेरा सेगमेंट पाहता, यात LED फ्लॅश असलेला ट्रिपल रियर कॅमेरा सेटअप मिळतो. या सेटअपमधील कॅमेऱ्याचे रिजोल्यूशन 50MP आहे. ज्याला 2MP च्या मॅक्रो कॅमेरा आणि 8MP च्या अल्ट्रा वाईड अँगल सेन्सरची जोड देण्यात आली आहे. या स्मार्टफोनमध्ये 13MP चा सेल्फी कॅमेरा मिळतो.
Moto G51 स्मार्टफोनमध्ये Qualcomm च्या Snapdragon 480+ SoC ची प्रोसेसिंग पॉवर देण्यात आली आहे. तसेच हा फोन ग्राफिक्ससाठी Adreno 619 GPU ला सपोर्ट करतो. कंपनीने हा 4GB रॅम आणि 64GB स्टोरेजसह सादर केला आहे. या मोटोरोलाच्या 5G Phone मधील स्टोरेज वाढवण्यासाठी मायक्रो-एसडी कार्ड स्लॉट देण्यात आला आहे.