Moto G31 स्मार्टफोनचा पहिला सेल आज भारतात सुरु होईल. गेल्या आठवड्यात लाँच झालेला हा फोन आता Flipkart च्या माध्यमातून विकत घेता येईल. या फोनमध्ये 6GB RAM, 50MP Camera, 5000mAh Battery आणि मीडियाटेक प्रोसेसर देण्यात आला आहे. चला जाणून घेऊया Moto G31 स्मार्टफोनची किंमत आणि वैशिष्ट्ये.
Moto G31 price in India
Moto G31 स्मार्टफोनचा सेल आज दुपारी 12 वाजल्यापासून सुरु होईल. हा स्मार्टफोन ई-कॉमर्स Flipkart च्या माध्यमातून दोन रॅम आणि स्टोरेज व्हेरिएंटमध्ये विकत घेता येईल. फोनच्या 4 जीबी रॅम आणि 64 जीबी स्टोरेज व्हेरिएंटची किंमत 12,990 रुपये आहे आणि 6 जीबी रॅम आणि 128 जीबी स्टोरेज व्हेरिएंटची किंमत 14,999 रुपये आहे. कंपनीनं फोनचे बेबी पिंक आणि मेटरॉईट ग्रे असे दोन कलर सादर केले आहेत.
Moto G31 चे स्पेसिफिकेशन्स
Motorola Moto G31 स्मार्टफोनमध्ये ट्रिपल रियर कॅमेरा सेटअप मिळतो. ज्यात 50MP चा मुख्य कॅमेरा मिळतो. त्याचबरोबर फोनमध्ये 8MP ची अल्ट्रा वाईड अँगल लेन्स आणि 2MP मॅक्रो लेन्स देण्यात आली आहे. हा मोटोरोला फोन 13MP च्या फ्रंट कॅमेऱ्याला सपोर्ट करतो.
या फोनमध्ये 6.4-इंचाचा FHD+ OLED डिस्प्ले मिळतो. Moto G31 4GB रॅम आणि 128GB पर्यंतची स्टोरेज देण्यात आली आहे. ही स्टोरेज वाढवण्यासाठी मायक्रोएसडी कार्ड स्लॉट कंपनीने दिला आहे. तसेच डिवाइस मीडियाटेकच्या ऑक्टा कोर Helio G85 चिपसेट आणि Mali G52 GPU सह सादर करण्यात आला आहे. हा फोन अँड्रॉइड 11 आधारित माययुएक्सवर चालतो.
या स्मार्टफोनमध्ये 3.5mm ऑडियो पोर्ट, USB Type-C पोर्ट असे कनेक्टिव्हिटी ऑप्शन मिळतात. त्याचबरोबर IP52 रेटिंग आणि साइड माउंटेड फिंगरप्रिंट सेन्सर देण्यात आला आहे. Moto G31 स्मार्टफोनमध्ये 5000mAh बॅटरी देण्यात आली आहेत, जी 10W फास्ट चार्जिंगला सपोर्ट करते.