Micromax च्या नवीन स्मार्टफोनच्या बातम्या गेले काही दिवस येत होत्या. त्यानुसार या भारतीय कंपनीने आपला नवीन मोबाईल फोन Micromax In 2B लाँच केला आहे. हा स्मार्टफोन “नो हँग” फोन अश्या टॅगलाईनसह बाजारात सादर करण्यात आला आहे. मायक्रोमॅक्सने Micromax In 2B स्मार्टफोनची किंमत देखील किफायतशीर ठेवली आहे. या स्मार्टफोनची किंमत 7,999 रुपयांपासून सुरु होत आहे. या लो बजेट स्मार्टफोनसह कंपनीने Airfunk 1 Pro आणि Airfunk 1 असे दोन इयरबड्स देखील लाँच केले आहेत. (Micromax In 2B and Airfunk Wireless Earbuds launched in India Price Specs Sale offer)
Micromax In 2B चे स्पेसिफिकेशन्स
मायक्रोमॅक्स इन 2बी मध्ये तिन्ही बाजूंनी बेजल लेस असलेला वॉटरड्रॉप नॉच डिस्प्ले मिळतो. हा एक 6.5 इंचाचा एचडी+ डिस्प्ले आहे जो 400निट्स ब्राइटनेस देतो. या मायक्रोमॅक्स स्मार्टफोनमध्ये 2 ARM Cortex A75 CPU असलेल्या आक्टाकोर प्रोसेसरसह Unisoc T610 चिपसेट आणि अँड्रॉइड 11 ओएस देण्यात आला आहे. ग्राफिक्ससाठी या फोनमध्ये जी52 जीपीयू मिळतो.
Micromax In 2B च्या बॅक पॅनलवर ड्युअल रियर कॅमेरा सेटअप आहे. यात एलईडी फ्लॅशसह 13 मेगापिक्सलचा मुख्य सेन्सरसह एक 2 मेगापिक्सलची सेकंडरी एआय लेन्स कंपनीने दिली आहे. या मायक्रोमॅक्स फोनमध्ये 5 मेगापिक्सलच्या फ्रंट कॅमेरा आहे. Micromax In 2B मध्ये रियर फिंगरप्रिंट सेन्सरसह फेस अनलॉक फिचर देखील मिळते. या मायक्रोमॅक्स स्मार्टफोनमध्ये 5,000एमएएचची बॅटरी आहे.
Micromax In 2B ची किंमत
Micromax In 2B स्मार्टफोन दोन व्हेरिएंट्समध्ये लाँच केला गेला आहे. या फोनचा 4GB + 64GB व्हेरिएंट 7,999 रुपयांमध्ये आणि 6GB + 64GB व्हेरिएंट 8,999 रुपयांमध्ये विकत घेता येईल. हा स्मार्टफोन 6 ऑगस्टपासून शॉपिंग साइट फ्लिपकार्टवर खरेदीसाठी उपलब्ध होईल.
Airfunk Wireless Earbuds
मायक्रोमॅक्सने Micromax In 2B सोबत Airfunk 1 Pro आणि Airfunk 1 असे दोन वायरलेस इयरबड्स लाँच केले आहेत. यातील Airfunk 1 Pro ची किंमत 2499 रुपये आणि Airfunk 1 ची किंमत 1299 रुपये आहे. हे बड्स 18 ऑगस्टपासून Flipkart आणि कंपनीच्या साइटवर विकत घेता येतील.