काल रियलमीच्या Realme C21Y ची गीकबेंच लिस्टिंग समोर आली होती. आज कंपनीने सी सीरिजमधील आपला हा लो बजेट Realme C21Y स्मार्टफोन सादर केला आहे. हा रियलमीस्मार्टफोन सध्या वियतनाममध्ये लाँच करण्यात आला आहे. लवकरच हा स्मार्टफोन भारतासह जगभरातील इतर देशांमध्ये लाँच केला जाऊ शकतो. चला जाणून घेऊया Realme C21Y ची संपूर्ण माहिती.
Realme C21Y चे स्पेसिफिकेशन्स
Realme C21Y मध्ये 6.5 इंचाचा एचडी+ एलसीडी डिस्प्ले देण्यात आला आहे. या डिस्प्लेचे रिजोल्यूशन 1600 × 720 पिक्सल आहे आणि हा डिस्प्ले 400निट्स ब्राइटनेसला सपोर्ट करतो. या रियलमी स्मार्टफोनमध्ये अँड्रॉइड 10 वर आधारित रियलमी युआय देण्यात आला आहे. हा फोन Unisoc T610 चिपसेट आणि माली जी52 जीपीयूला सपोर्ट करतो.
फोटोग्राफीसाठी Realme C21Y मधील ट्रिपल रियर कॅमेरा सेटअपमध्ये एलईडी फ्लॅशसह 13 मेगापिक्सलचा प्राइमरी सेन्सर, 2 मेगापिक्सलचा मॅक्रो सेन्सर आणि 2 मेगापिक्सलचा ब्लॅक अँड व्हाईट सेन्सर देण्यात आला आहे. सेल्फी आणि व्हिडीओ कॉलिंगसाठी या फोनमध्ये 5 मेगापिक्सलचा फ्रंट कॅमेरा मिळतो. सिक्योरिटीसाठी या फोनच्या मागे फिंगरप्रिंट सेन्सर देण्यात आला आहे. तसेच पावर बॅकअपसाठी Realme C21Y मध्ये 5,000एमएएचची बॅटरी देण्यात आली आहे.
Realme C21Y की किंमत
रियलमी सी21वाय वियतनाममध्ये दोन व्हेरिएंट्समध्ये लाँच केला गेला आहे. फोनचा 3 जीबी रॅम 32 जीबी व्हेरिएंट 3,490,000 वियतनामी डाँग म्हणजे 11,300 भारतीय रुपयांमध्ये लाँच करण्यात आला आहे. तर 4 जीबी रॅम आणि 64 जीबी स्टोरेज मॉडेल 3,990,000 वियतनामी डाँग म्हणजे 13,000 रुपयांमध्ये उपलब्ध होईल.