Lava ने भारतात आपले नवीन इयरबड्स Pro Buds 2 लाँच केले आहेत. हे बड्स सिंगल चार्जमध 23 तासांचा बॅटरी बॅकअप देतात, असा दावा कंपनीने केला आहे. यातील IPX5 रेटिंगमुळे हे बड्स व्यायाम करताना देखील वापरता येतील. चांगल्या साउंड क्वालिटीसाठी कंपनीने Pro Buds 2 मध्ये 14mm च्या ड्रायव्हरचा वापर केला आहे.
Lava Pro Buds 2 चे स्पेसिफिकेशन्स
Lava Pro Buds 2 इयरबड्समध्ये 14 mm डायनॅमिक ड्रायव्हर देण्यात आले आहेत, जे पावरफुल साउंड आणि थंपिंग बेस देतात. या इयरबड्समधील इन्स्टंट ‘Wake And Pair Technology’ मुळे चार्जिंग केस उघडताच हे स्मार्टफोनशी कनेक्ट होतात. या लावा इयरबड्समध्ये कनेक्टिविटीसाठी Bluetooth v5.0 देण्यात आली आहे. हे देखील वाचा: स्वस्त 5G स्मार्टफोन झाला अजून स्वस्त; Realme Narzo 30 5G चा छोटा व्हेरिएंट बाजारात लाँच
Lava Pro Buds 2 मध्ये कंपनीने टच तसेच व्हॉईस असिस्टंट फीचर देखील दिले आहेत. उजव्या इयरबड्सवर दोनदा टॅप करून व्हॉईस असिस्टंट फीचर वापरता येईल. सिंगल चार्जमध्ये Pro Buds 2 चार्जिंग केससह 23 तासांचा बॅकअप देतात. तर इयरबड्स 5 तास प्ले बॅक टाइम ऑफर करतात. चार्जिंग केसमध्ये 370 mAh ची बॅटरी देण्यात आली आहे. Lava Pro Buds 2 इयरबड्समध्ये IPX5 रेटिंग देण्यात आली आहे, त्यामुळे घाम आणि पाण्याच्या थेंबांपासून यांचे संरक्षण होते. हे देखील वाचा: 15,600mAh क्षमता असलेल्या अवाढव्य बॅटरीसह ‘हा’ 5G स्मार्टफोन लाँच; सिंगल चार्जमध्ये मिळणार 6 दिवसांचा बॅकअप
Lava Pro Buds 2 ची किंमत
Lava Pro Buds 2 ची किंमत कंपनीने 1,699 रुपये ठेवली आहे. परंतु लाँच ऑफर अंतर्गत हे बड्स 1,399 रुपयांमध्ये विकत घेता येतील. Pro Buds 2 भारतात 26 ऑगस्टपासून Lava E-store, Amazon आणि Flipkart वर खरेदीसाठी उपलब्ध होतील.