5G ट्रेंडच्या वाहत्या गंगेत हात धुवून घेण्यासाठी स्वदेशी स्मार्टफोन निर्माता कंपनी Lava देखील सज्ज झाली आहे. कंपनीने दिवाळीनंतर 9 नोव्हेंबरला भारतात Lava AGNI 5G Phone सादर करणार असल्याची घोषणा केली आहे. एका ऑनलाईन इव्हेंटमधून हा फोन ग्राहकांच्या भेटीला येईल. या इव्हेंटचे थेट प्रक्षेपण कंपनीच्या Youtube चॅनेलवर दुपारी 12 वाजता करण्यात येईल.
Lava AGNI 5G ची डिजाइन आणि स्पेसिफिकेशन्स
Lava AGNI 5G मध्ये बेजल असलेला पंच-होल डिस्प्ले मिळेल. या पंच होलमध्ये स्मार्टफोनचा सेल्फी कॅमेरा देण्यात येईल. हा डिस्प्ले 90Hz रिफ्रेश रेटला सपोर्ट करेल. फोनच्या बॅक पॅनलवर ट्रिपल रियर कॅमेरा सेटअप मिळेल. यातील सेन्सरची माहिती समोर आली नाही, परंतु एलईडी फ्लॅश देण्यात येईल. या सेटअपमधील मुख्य कॅमेरा 64 मेगापिक्सलचा असू शकतो.
रिपोर्ट्सनुसार Lava AGNI 5G मध्ये 4GB RAM मिळू शकतो. या फोनमध्ये कंपनीनं मीडियाटेक डायमेंसीटी 810 SoC मिळू शकतो, असे टिपस्टरने सांगितले आहे. तसेच पॉवर बॅकअपसाठी या आगामी लावा फोनमध्ये 5000mAh ची बॅटरी मिळेल. हा फोन अँड्रॉइड 11 आधारित कंपनीच्या कस्टमाइज्ड UI सह बाजारात येऊ शकतो.
Lava AGNI 5G ची किंमत
काही दिवसांपूर्वी हा फोन 19,999 रुपयांमध्ये कंपनीच्या वेबसाईटवर लिस्ट करण्यात आला होता. परंतु लाँचच्या वेळी ही किंमत बदलू देखील शकते.