iQOO Z6 5G स्मार्टफोन भारतात लाँच झाला आहे. हा फोन Snapdragon 695 5G प्रोसेसर, 8GB पर्यंत रॅम, 120Hz रिफ्रेश रेट, 5000mAh ची बॅटरी आणि 50MP कॅमेऱ्यासह लाँच झाला आहे. यातील Extended RAM 2.0 टेक्नॉलॉजी 4GB पर्यंत अतिरिक्त रॅम मिळवून देते. तसेच गेमिंगच्या वेळी स्मार्टफोन गरम होऊ नये म्हणून या फोनमध्ये 5-लेयर लिक्विड कूलिंग सिस्टम देण्यात आली आहे.
iQOO Z6 5G चे स्पेसिफिकेशन्स
iQOO Z6 5G स्मार्टफोन 6.58-इंचाच्या FHD+ डिस्प्लेसह सादर करण्यात आला आहे. जो 120Hz रिफ्रेश रेट आणि 240Hz टच सॅम्पलिंग रेटला सपोर्ट करतो. कंपनीनं यात Panda Glass ची सुरक्षा दिली आहे. हा फोन अँड्रॉइड 12 बेस्ड फनटच ओएस 12 वर चालतो. प्रोसेसिंगसाठी Qualcomm Snapdragon 695 चिपसेट आणि Adreno 619 GPU मिळतो. सोबत 8GB पर्यंत RAM आणि 128GB स्टोरेज देण्यात आली आहे. जी मायक्रोएसडी कार्डच्या माध्यमातून 1TB पर्यंत वाढवता येते.
iQOO Z6 5G स्मार्टफोनमध्ये साईड फिंगरप्रिंट सेन्सरसह बेसिक कनेक्टिव्हिटी फीचर्स मिळतात. यात पावर बॅकअपसाठी 5,000mAh ची मोठी बॅटरी देण्यात आली आहे. iQOO Z6 स्मार्टफोनमध्ये ट्रिपल रियर कॅमेरा देण्यात आला आहे. या फोनचा प्रायमरी कॅमेरा 50MP चा आहे. त्याचबरोबर 2MP चा मॅक्रो कॅमेरा आणि 2MP ची पोर्टेट लेन्स दिला मिळते. फ्रंटला 16MP चा सेल्फी शुटर आहे.
iQOO Z6 5G Price in India
- iQOO Z6 5G 4GB/128GB : Rs 15,999
- iQOO Z6 5G 6GB/128GB: Rs 16,999
- iQOO Z6 5G 8GB/128GB: Rs 17,999
iQOO Z6 5G स्मार्टफोनची खरेदी करताना एचडीएफसी बँकेच्या कार्डचा वापर केल्यास 2000 रुपयांचा इन्स्टंट डिस्काउंट मिळेल. हा स्मार्टफोन ब्लॅक आणि ब्लु कलरमध्ये 22 मार्चपासून अॅमेझॉनवरून विकत घेता येईल.