iQOO नं गेल्या महिन्यात चीनमध्ये iQOO 9 सीरिज सादर केली आहे. या सीरिज मध्ये iQOO 9 आणि iQOO 9 Pro असे दोन स्मार्टफोन सादर केले आहेत. जेव्हा हे स्मार्टफोन पहिल्यांदा विक्रीसाठी आले होते तेव्हा कंपनीनं अवघ्या 10 सेकंदात 100 कोटींपेक्षा जास्त किंमतीचे स्मार्टफोन्स विकले होते. आता ही सीरिज भारतीयांचा भेटीला येत आहे.
iQOO 9 series India Luanch and Price
आता टेक युटूबर टेक्निकल गुरुजी यांनी दिलेल्या माहितीनुसार, भारतात iQOO 9 series मध्ये तीन मॉडेल लाँच केले जातील. ज्यात iQOO 9 SE, iQOO 9, आणि iQOO 9 Pro चा समावेश असेल. यातील SE मॉडेल देशात 35,000 रुपयांमध्ये लाँच केला जाईल. ज्यात क्वॉलकॉमचा स्नॅपड्रॅगन 888 चिपसेट देण्यात येईल. तर iQOO 9 मध्ये स्नॅपड्रॅगन 888+ चिपसेट मिळेल.
iQOO 9 आणि iQOO 9 Pro चे स्पेसिफिकेशन्स
आयकू 9 5जी मध्ये 6.78 इंचाचा फुलएचडी+ ई5 अॅमोलेड डिस्प्ले 120हर्ट्ज रिफ्रेश रेटसह देण्यात आला आहे. तर आयकू 9 प्रो मढी 6.78 इंचाच्या 2के क्वॉडएचडी+ ई5 अॅमोलेड एलटीपीओ 2.0 कर्व्ड स्क्रीन 120हर्ट्ज रिफ्रेश रेट आणि 1500निट्स ब्राईटनेसला सपोर्ट करते. हे दोन्ही स्मार्टफोन अँड्रॉइड 12 ओएस बेस्ड ओरिजन ओएसवर चालतात. यात क्वॉलकॉमचा पॉवरफुल स्नॅपड्रॅगन 8 जेन 1 चिपसेट देण्यात आला आहे. सोबत LPDDR5 RAM आणि UFS 3.1 storage टेक्नॉलॉजी मिळते.
या दोन्ही स्मार्टफोन्समध्ये 16 मेगापिक्सलचा सेल्फी कॅमेरा देण्यात आला आहे. तसेच मागे 50 मेगापिक्सलच्या प्रायमरी सेन्सरसह ट्रिपल रियर कॅमेरा सेटअप आहे. आयकू 9 प्रो मध्ये 50 मेगापिक्सलची अल्ट्रा वाईड अँगल लेन्स आणि 16 मेगापिक्सलची पोर्टरेट लेन्स मिळते. तर आयकू 9 च्या कॅमेरा सेटअपमध्ये 50 मेगापिक्सलची अल्ट्रा वाईड अँगल लेन्स आणि 12 मेगापिक्सलचा डेप्थ सेन्सर आहे.
आयकू 9 सीरीजच्या या दोन्ही फ्लॅगशिप स्मार्टफोनमधील बॅटरी एक सारखी आहे. यातील 4,700एमएएचची बॅटरी 120वॉट फास्ट चार्जिंगनं चार्ज करता येते. फक्त प्रो व्हर्जनमध्ये 50वॉट वायरलेस फास्ट चार्जिंग आणि 10वॉट रिवर्स चार्जिंगचं फिचर मिळतं.
हे देखील वाचा:
अर्ध्या किंमतीत विकत घ्या 43-इंचाचा धमाकेदार Smart TV; शानदार 4K डिस्प्लेसह 50W चे स्पीकर