Infinix नं गेल्या आठवड्यात एक हटके स्मार्टफोन सादर केला होता. हा फोन अँटी-बॅक्टेरियल बॅक पॅनलसह सादर करण्यात आला होता. म्हणजे या फोनच्या बॅक पॅनलवर सूक्ष्मजंतू टिकत नाहीत, यासाठी खास कोटिंग देखील देण्यात आलं आहे. या बजेट-फ्रेंडली Infinix Smart 6 स्मार्टफोनची आजपासून भारतात विक्री सुरु होणार आहे. विशेष म्हणजे 4GB RAM, 5000mAh बॅटरी आणि 8MP कॅमेरा असलेला हा डिवाइस फक्त 260 रुपयांमध्ये तुमचा होईल.
Infinix Smart 6 ची किंमत आणि ऑफर्स
Infinix Smart 6 च्या एकमेव 2GB रॅम आणि 64GB स्टोरेज मॉडेलची किंमत 7,499 ठेवण्यात आली आहे. हा फोन फ्लिपकार्टवरून पोलर ब्लॅक, हार्ट ऑफ ओशियन, लाईट सी ग्रीन आणि स्टारी पर्पल अशा चार रंगात विकत घेता येईल. एसबीआयच्या क्रेडिट कार्ड धारकांना 10 टक्के डिस्काउंट दिला जाईल. तसेच तुम्ही 260 रुपयांच्या मासिक हप्त्यावर देखील हा हँडसेट घरी आणू शकता.
Infinix Smart 6 चे स्पेसिफिकेशन्स
Infinix Smart 6 मध्ये 6.6-इंचाचा आयपीएस एलसीडी डिस्प्ले देण्यात आला आहे. हा डिस्प्ले 720×1600 पिक्सल रिजोल्यूशन आणि 226PPI पिक्सल डेंसिटीला सपोर्ट करतो. डिवाइस Android 11 Go Edition वर चालतो. प्रोसेसिंगसाठी या स्मार्टफोनमध्ये क्वॉड-कोर मीडियाटेक हीलियो ए22 चिपसेट देण्यात आला आहे, त्याचबरोबर 2GB RAM आणि 64GB स्टोरेजसह येतो. कंपनीनं 2GB वर्चुअल रॅम देखील दिला आहे. मेमरी देखील 512GB पर्यंत मायक्रो एसडी कार्डनं वाढवता येते.
फोटोग्राफीसाठी या फोनमध्ये ड्युअल रियर कॅमेरा देण्यात आला आहे. ज्यात एलईडी फ्लॅशसह 8MP चा मुख्य कॅमेरा आणि एक डेप्थ सेन्सर आहे. तसेच सेल्फी आणि व्हिडीओ कॉलिंगसाठी या फोनमध्ये 5MP चा कॅमेरा फ्रंट कॅमेरा देण्यात आला आहे. हा एक ड्युअल सिम 4G फोन आहे. ज्यात सिक्योरिटीसाठी रियर फिंगरप्रिंट सेन्सर आणि फेस अनलॉक फिचर देण्यात आला आहे. पॉवर बॅकअपसाठी Infinix Smart 6 मध्ये 5000mAh ची बॅटरी देण्यात आली आहे, ही बॅटरी 10W फास्ट चार्जिंगला सपोर्ट करते.