एकेकाळी लोकप्रिय असलेला स्मार्टफोन ब्रँड HTC पुनरागमन करत आहे. कंपनी आपली HTC VR प्रोडक्ट आणि Viverse ecosystem सेटअप करत आहे. आता या सिस्टममध्ये बसणारे स्मार्टफोन्स लाँच केले जातील. याची सुरुवात HTC Desire 22 Pro स्मार्टफोन पासून करण्यात आली आहे. विशेष म्हणजे या फोनमध्ये डिजिटल असेट्स जसे की, क्रिप्टोकरन्सी मॅनेज करण्यासाठी Viverse Wallet देखील देण्यात आलं आहे.
HTC Desire 22 Pro चे स्पेसिफिकेशन्स
HTC Desire 22 Pro मध्ये 6.6 इंचाचा LCD डिस्प्ले देण्यात आला आहे, जो 120Hz रिफ्रेश रेटला सपोर्ट करतो. या फोनला Snapdragon 695 5G ची प्रोसेसिंग पावर देण्यात आली आहे, सोबत 8GB RAM आणि 128GB स्टोरेज मिळते. ही स्टोरेज मायक्रोएसडी कार्डच्या माध्यमातून वाढवता येते. वॉटर आणि डस्ट रजिस्टन्ससाठी फोनमध्ये IP67 रेटिंग देण्यात आली आहे.
फोटोग्राफीसाठी फोनमध्ये ट्रिपल रियर कॅमेरा सेटअप देण्यात आला आहे. ज्यात 64MP चा प्रायमरी कॅमेरा, 13MP चा अल्ट्रा-वाईड सेन्सर आणि 5MP चा डेप्थ सेन्सर आहे. सेल्फी व व्हिडीओ कॉलिंगसाठी फोनमध्ये 32MP चा कॅमेरा मिळतो. HTC Desire 22 Pro फोन Android 12 वर चालतो. यातील 4,520mAh ची बॅटरी 18W फास्ट चार्जिंग आणि 15W वायरलेस चार्जिंगला सपोर्ट करते.
HTC Desire 22 Pro ची किंमत
सध्या हा होम मार्केट तैवानमध्ये सादर करण्यात आला आहे. तिथे याची किंमत 11,990 TWD (जवळपास 31,846 रुपये) आहे. हा फोन भारतात लाँच होईल की नाही याची माहिती मात्र कंपनीनं दिली नाही.