हुआवेची उपकंपनी असणार्या ऑनरने आपला ऑनर ७ ए हा स्मार्टफोन आता युजर्ससाठी ओपन सेलच्या माध्यमातून उपलब्ध केला आहे. मे महिन्यात ऑनर ७ ए आणि ऑनर ७ सी हे दोन स्मार्टफोन लाँच करण्यात आले होते. हे दोन्ही मॉडेल्स ब्लॅक, ब्ल्यू आणि गोल्ड या तीन रंगाच्या पर्यायांमध्ये ग्राहकांना सादर करण्यात आले होते. आजवर या मॉडेल्सला फक्त फ्लिपकार्टवर ‘फ्लॅश सेल’च्या माध्यमातूनच उपलब्ध करण्यात आले होते. तथापि, आता यातील ऑनर ७ ए हा स्मार्टफोन ग्राहक केव्हाही फ्लिपकार्टवरून खरेदी करू शकणार आहे. अर्थात आता हे मॉडेल ‘ओपन सेल’ या प्रकारात उपलब्ध करण्यात आले आहे.
ऑनर ७ ए या स्मार्टफोनमध्ये ५.७ इंच आकारमानाचा आणि एचडी प्लस म्हणजे १४४० बाय ७२० पिक्सल्स क्षमतेचा, १८:९ असे गुणोत्तर असणारा आयपीएस एलसीडी डिस्प्ले दिलेला आहे. यात क्वॉलकॉमचा ऑक्टा-कोअर स्नॅपड्रॅगन ४३० प्रोसेसर देण्यात आला अहे. याची रॅम ३ जीबी व स्टोअरेज ३२ जीबी आहे. या मॉडेलमध्ये १३ व २ मेगापिक्सल्सच्या कॅमेर्यांनी युक्त ड्युअल कॅमेरा सेटअप दिलेला आहे. तर यामध्ये ८ मेगापिक्सल्सचा फ्रंट कॅमेरा देण्यात आला आहे. तर यामधील बॅटरी ३,००० मिलीअँपिअर क्षमतेची आहे. हे मॉडेल अँड्रॉइडच्या ओरियो या आवृत्तीवर चालणारे असून यावर कंपनीचा इएमयुआर ८ हा युजर इंटरफेस दिला आहे.
यात फोर-जी व्हिओ-एलटीई नेटवर्क सपोर्टसह ब्ल्यू-टुथ, वाय-फाय, जीपीएस, मायक्रो-युएसबी आदी फिचर्स असतील. तसेच यात फिंगरप्रिंट स्कॅनरसह अॅक्सलेरोमीटर, गायरोस्कोप, ग्रॅव्हीटी, अँबिअंट लाईट सेन्सर्सदेखील प्रदान करण्यात आले आहेत. ऑनर ७ ए या मॉडेलचे मूल्य ८,९९९ रूपये आहे.