सरकारी दूरसंचार कंपनी बीएसएनएल (BSNL) आपल्या ग्राहकांना लवकरच मोठे सरप्राईज देणार आहे. केंद्रीय दूरसंचार मंत्री ज्योतिरादित्य सिंधिया यांनी पुष्टी केली की, बीएसएनएलचे सर्व 4G टॉवर पुढील 6 ते 8 महिन्यांत 5G मध्ये अपग्रेड केले जातील. यानंतर BSNL युजर्सनाही Jio, Airtel आणि Vi प्रमाणेच सुपरफास्ट इंटरनेट कनेक्टिव्हिटीचा आनंद मिळणार आहे.
BSNL ची 5G कडे वाटचाल
अलीकडेच पंतप्रधान नरेंद्र मोदी यांनी बीएसएनएलच्या 4G सेवांचा शुभारंभ केला होता. या अंतर्गत कंपनीने 1 लाख नवीन 4G मोबाइल टॉवर एकाच वेळी सुरू केले, ज्यामुळे देशभरात बीएसएनएलची 4G सेवा कार्यान्वित झाली. कंपनी आणखी 1 लाख टॉवर उभारण्याची तयारी करत आहे. यासोबतच, 5G सेवांचा सॉफ्ट लॉन्च या वर्षाच्या अखेरीस, म्हणजे डिसेंबरपर्यंत दिल्ली आणि मुंबईत होण्याची शक्यता आहे.
‘मेक इन इंडिया’वर आधारित तंत्रज्ञान
केंद्रीय मंत्री सिंधिया यांनी एका परिषदेत सांगितले की, भारतातील 4G सेवा पूर्णपणे स्वदेशी तंत्रज्ञानावर आधारित आहे. बीएसएनएलचा 4G नेटवर्क C-DOT, तेजस नेटवर्क्स आणि टाटा कन्सल्टन्सी सर्व्हिसेस (TCS) यांच्या संयुक्त प्रयत्नांनी विकसित करण्यात आले आहे. या कामगिरीमुळे भारत जगातील त्या पाच देशांपैकी एक बनला आहे, ज्यांनी पूर्णपणे स्वदेशी तंत्रज्ञानावर आधारित दूरसंचार नेटवर्क विकसित केले आहे.
22 महिन्यांत तयार झाला स्वदेशी 4G स्टॅक
सिंधिया यांनी सांगितले की, बीएसएनएलसाठी हा प्रकल्प सोप्पा नव्हता. स्वदेशी 4G स्टॅक तयार करताना अनेक अडचणींना सामोरे जावे लागले. पण केवळ 22 महिन्यांत TCS मध्ये कोर सॉफ्टवेअर, रेडिओ अॅक्सेस नेटवर्क (RAN) आणि भारतीय सिस्टम इंटिग्रेटर तयार करण्यात यश आले.
देशभरात वेगाने पसरतंय नेटवर्क
सध्या देशभरात 92,564 स्वदेशी तंत्रज्ञानावर आधारित बीएसएनएल मोबाइल टॉवर कार्यान्वित झाले आहेत. भारत जगातील सर्वात वेगाने 5G सेवा सुरू करणारा देश ठरला आहे, आणि आता 99.8% जिल्ह्यांमध्ये 5G सेवा पोहोचली आहे. बीएसएनएलचं 5G नेटवर्क “आत्मनिर्भर भारत” या मोहिमेतील एक नवं पर्व ठरणार आहे. कंपनीचे विद्यमान 4G नेटवर्क पूर्णपणे 5G-रेडी असल्याने, 5G लॉन्चसाठी फार वेळ लागणार नाही.
Web Summary : BSNL will upgrade 4G towers to 5G within months, offering faster internet. Soft launch of 5G services expected in Delhi and Mumbai by year-end. The 4G network is indigenous, developed with C-DOT, TCS and others. 92,564 BSNL mobile towers are now operational.
Web Summary : बीएसएनएल जल्द ही 4जी टावरों को 5जी में अपग्रेड करेगा, जिससे तेज इंटरनेट मिलेगा। दिल्ली और मुंबई में साल के अंत तक 5जी सेवाओं का सॉफ्ट लॉन्च होने की उम्मीद है। 4जी नेटवर्क स्वदेशी है, जिसे सी-डॉट, टीसीएस और अन्य के साथ विकसित किया गया है। 92,564 बीएसएनएल मोबाइल टावर अब चालू हैं।