Flipkart Big Saving Days: फ्लिपकार्टवरील बिग सेव्हिंग डेज सेलचा आज चौथा दिवस आहे. सहाव्या दिवशी म्हणजे 22 जानेवारीला या सेलची सांगता होणार आहे. या सेलमध्ये अनेक स्मार्टफोन्स स्वस्तात मिळत आहेत. यात याच महिन्यात आलेल्या स्मार्टफोन्सचा देखील समावेश आहे. Vivo नं काही दिवसांपूर्वी Vivo V23 5G Phone सादर केला होता. यात कंपनीनं भारतातील पहिला रंग बदलणारा पॅनल दिला आहे. फ्लिपकार्ट सेलमध्ये हा फोन 24 हजारांच्या डिस्काउंटसह विकत घेता येईल, जाणून घ्या कसं.
Vivo V23 5G ची किंमत आणि ऑफर्स
Vivo V23 5G च्या 8GB RAMआणि 128GB स्टोरेज व्हेरिएंटची किंमत लाँच प्राइज 34,990 रुपये आहे, परंतु सेलमध्ये 5000 रुपयांच्या थेट डिस्काउंटनंतर हा फोन 29,990 रुपयांमध्ये उपलब्ध झाला आहे. तसेच हा फोन HDFC बँकेच्या क्रेडिट किंवा डेबिट कार्डनं विकत घेतल्यास तुम्हाला 2,500 रुपयांचा इन्स्टंट डिस्काउंट मिळेल, म्हणजे फोनची किंमत 27,490 होईल. सोबत तुम्ही योग्य जुना फोन एक्सचेंज करून आणखीन 16,950 रुपये वाचवू शकता. म्हणजे 34,990 रुपयांचा हा अनोखा स्मार्टफोन 10,540 रुपयांमध्ये विकत घेता येईल.
Vivo V23 5G चे स्पेसिफिकेशन्स
विवो वी23 5जी फोनमध्ये 6.44 इंचाचा अ‍ॅमोलेड डिस्प्ले देण्यात आला आहे. नॉच डिजाईनसह सादर करण्यात आलेला हा डिस्प्ले 90हर्ट्ज रिफ्रेश रेटवर चालतो. हा फोन अँड्रॉइड 12 आधारित फनटच ओएस 12 वर चालतो. यात मीडियाटेक डिमेनसिटी 920 चिपसेट आणि एआरएम माली जी68 जीपीयू देण्यात आला आहे.
विवो वी23 5जी च्या कॅमेरा सेगमेंट फ्रंट कॅमेरा खूप खास आहे. फ्रंट पॅनलवर 50 मेगापिक्सलचा प्रायमरी सेन्सर तसेच 8 मेगापिक्सलचा सुपर वाईड अँगल सेल्फी कॅमेरा असलेला ड्युअल सेल्फी कॅमेरा सेटअप मिळतो. तर मागे 64 मेगापिक्सलचा प्रायमरी सेन्सर, 8 मेगापिक्सलची अल्ट्रा वाईड अँगल लेन्स आणि 2 मेगापिक्सलच्या मॅक्रो सेन्सरसह ट्रिपल रियर कॅमेरा आहे.
बेसिक कनेक्टिव्हिटीसह इन-डिस्प्ले फिंगरप्रिंट सेन्सर आणि फेस अनलॉक फिचर मिळतो. तर पॉवर बॅकअपसाठी Vivo V23 मध्ये 4,200एमएएचची बॅटरी 44वॉट फ्लॅश चार्ज सपोर्टसह देण्यात आली आहे.
हे देखील वाचा:
तुमच्यासाठीच बनलेत हे Smart TV; 15 हजारांच्या आत थिएटरचा अनुभव आणा घरात, फक्त काही दिवस सूट