Realme Lava Exchange Offer: Lava नं भन्नाट एक्सचेंज ऑफरची घोषणा केली आहे. स्वदेशी कंपनी Lava नं Realme 8s च्या युजर्सना आपला जुना फोन देऊन नवीन Lava Agni मिळवण्याची संधी दिली आहे. Realme 8s चा 6GB आणि 8GB असे दोन्ही व्हेरिएंट एक्सचेंज करून युजर्स नवीन फोन मिळवू शकतात. या दोन्ही फोन Mediatek डाइमेंशन 810 चिपसेटसह बाजारात आले आहेत.
Lava Agni 5G मध्ये 6.78 इंचाची स्क्रीन मिळते तर रियलमी 8s मध्ये 6.5 इंचाचा डिस्प्ले मिळतो. लावा फोन क्वॉड रियर कॅमेरा सेटअपसह बाजारात आला आहे. तर रियलमी फोनमध्ये ट्रिपल कॅमेरा सेटअप आहे.
Realme Lava Exchange
कंपनीनं ही ऑफर 7 जानेवारी 2022 पर्यंत उपलब्ध असेल. Realme 8s चे युजर्स लावाच्या ई-स्टोरवर एक ऑनलाइन फॉर्म भरू शकतात. त्यानंतर ते एक नवीन Lava Agni 5G फोन मिळवू शकतात.
Lava Agni 5G चे स्पेसिफिकेशन्स
Lava Agni 5G स्मार्टफोनमध्ये 6.78 इंचाचा FHD+ IPS डिस्प्ले देण्यात आला आहे. पंच होल डिजाईनसह सादर करण्यात आलेला हा डिस्प्ले 90Hz रिफ्रेश रेटला सपोर्ट करतो. कंपनीने आपल्या पहिल्या 5G फोनसाठी MediaTek Dimensity 810 चिपसेटची निवड केली आहे. त्याचबरोबर 8GB RAM आणि 128GB इंटरनल स्टोरेज देण्यात आली आहे. ही स्टोरेज मायक्रोएसडी कार्डने वाढवता येते. हा लावा फोन Android 11 वर चालतो.
5G सह या फोनमध्ये बेसिक कनेक्टिव्हिटी ऑप्शन्स देण्यात आले आहेत. Lava Agni 5G फोनमध्ये फ्लॅशसह क्वॉड रियर कॅमेरा सेटअप देण्यात आला आहे. ज्यात 64MP चा मुख्य सेन्सर, 5MP चा अल्ट्रा वाईड कॅमेरा आणि 2MP चे अन्य दोन कॅमेरा सेन्सर देण्यात आले आहेत. हा फोन 16 MP च्या फ्रंट कॅमेऱ्याला सपोर्ट करतो. या फोनमध्ये 5000mAh ची बॅटरी 30W फास्ट चार्जिंग सपोर्टसह देण्यात आली आहे.