अ‍ॅमेझॉन आणि फ्लिपकार्टने आपल्या फेस्टिव्ह सेलची घोषणा केली आहे. त्याचबरोबर स्मार्टफोन निर्माता कंपनी शाओमीने देखील आपल्या दिवाळी सेलची घोषणा केली आहे. हा सेल Xiaomi च्या वेबसाईट, Mi.com वर आयोजित करण्यात येणार आहे. दिवाळीसाठी कंपनीने ग्राहकांसाठी एकापेक्षा एक ऑफर्स सादर केल्या आहेत.
आयुष्यभर मिळणार मोफत स्मार्टफोन
इतर प्लॅटफॉर्म्सवर विविध प्रोडक्ट्सवर वेगवेगळ्या डिस्काउंट ऑफर मिळतील. परंतु अशी ऑफर क्वचितच तुम्हाला मिळेल. शाओमी तुम्हाला आयुष्यभर मोफत शाओमी स्मार्टफोन्स मिळवण्याची संधी देत आहे. यासाठी तुम्हाला ‘Diwali with Mi’ सेलमध्ये खरेदी करून एक रजिस्ट्रेशन फॉर्म भरावा लागेल. त्यानंतर भाग्यवान विजेत्यांना दर दोन वर्षांनी एक नवीन स्मार्टफोन कंपनीकडून मोफत दिला जाईल. 20 वर्षात 10 मोफत फोन कंपनी देणार आहे.
Diwali with Mi ऑफर्स
या सेलमध्ये कंपनी प्रत्येक तासाला ऑफर्स बदलणार आहे. यात पिक अँड चूज, फास्टेस्ट फिंगर फर्स्ट आणि जॅकपॉट डील्स अशा ऑफर्सचा समावेश असेल. तसेच दिवाळी सेल अंतर्गत एसबीआय क्रेडिट कार्डचा वापर करून खरेदी केल्यास ग्राहकांना 10 टक्के इन्स्टंट डिस्काउंट मिळेल.
तसेच Mi एक्सचेंज ऑफर अंतर्गत जुना डिवाइस देऊन नव्या डिवाइसवर 5 हजार रुपयांपर्यंतची सूट मिळू शकते. तसेच कंपनीच्या वेबसाईटवर लवकरच सुरु होणाऱ्या या सेलमध्ये स्मार्टफोन्स, इयरबड्स, लॅपटॉप्स आणि स्मार्ट टीव्हीसह सर्व प्रोडक्ट्सवर धमाकेदार ऑफर मिळतील. या ऑफर्स आणि सेलच्या तारखेची माहिती लवकरच शाओमी जाहीर करू शकते.