Activision कंपनी आपल्या लोकप्रिय व्हिडीओ गेम Call of Duty Warzone च्या मोबाईल व्हर्जनवर काम करत असल्याची बातमी काही दिवसांपूर्वी आली होती. आता कंपनीनं या बातमीला दुजोरा दिला आहे. कंपनीचा COD Mobile गेम BGMI आणि PUBG Mobile ला टक्कर देत आहे. तर आगामी नवीन गेम PUBG New State ला पर्याय म्हणून सादर केला जाऊ शकतो. यासाठी कंपनीनं लोकांना कामावर ठेवण्यास देखील सुरुवात केली आहे.
हायरिंगची घोषणा
Activision नं आपल्या ट्विटर अकॉउंटवरून Call of Duty: Warzone च्या मोबाईल व्हर्जनची घोषणा केली आहे. त्यासाठी आवश्यक गेम डेव्हलपमेंट आणि पब्लिशिंग टीमची हायरिंग कंपनीनं सुरु केली आहे. ट्वीटमध्ये दिलेल्या लिंकवर क्लिक करून तुम्ही या जॉब ओपनिंगची माहिती मिळवू शकता. यात नेटवर्क प्रोग्रामर्स, सिस्टम प्रोग्रामर्स, UI प्रोग्रामर्स, UI आर्टिस्ट्स, सीनियर प्रोड्यूसर, प्रोड्यूसर, असिस्टंट प्रोड्यूसर, सीनियर प्रोडक्ट मॅनेजर आणि प्रोडक्ट मॅनेजर रोल्ससाठी माणसं आवश्यक आहेत.
Activision नं सांगितलं कि, Solid State Studios, Beenox, Digital Legends आणि Demonware सारख्या कंपनीच्या इंटरनल स्टूडियोजमध्ये देखील अनेक जॉब ओपनिंग आहेत. या जॉब्ससाठी अप्लाय करण्यासाठी तुम्ही careers.activision.com पोर्टलवर जाऊ शकता.
हे देखील वाचा: