BSNL Recharge Plan: खासगी टेलिकॉम कंपन्यांनी रिचार्जच्या किमती वाढवल्यामुळे सामान्यांच्या खिशावरचा भार वाढला आहे. ट्रायच्या आदेशानंतर खासगी टेलिकॉम कंपन्यांनी व्हॉईस आणि एसएमएसचे वेगळे प्लॅन्स आणले, पण त्यांच्या किमतीही खूप जास्त आहेत. अशातच, सरकारी टेलिकॉम कंपनी BSNL कडे असा प्लॅन आहे, ज्यात 900 रुपयांपेक्षा कमी किमतीत 6 महिन्यांच्या वैधतेसह डेटा आणि कॉलिंगची सुविधा मिळते.
BSNL चा 897 रुपयांचा प्लॅनतुम्ही दीर्घ वैधता, कॉलिंग, डेटा आणि एसएमएस सुविधा देणारा प्लान शोधत असाल, तर बीएसएनएलचा 897 रुपयांचा रिचार्ज तुमच्यासाठी उपयुक्त ठरू शकतो. बीएसएनएल 897 रुपयांमध्ये 180 दिवसांची वैधता देत आहे. यासह, संपूर्ण वैधतेदरम्यान देशभरात मोफत कॉलिंगचा लाभ मिळतो. यासोबतच त्यांना दररोज 100 एसएमएसही मिळतील. योजनेचे फायदे इथेच संपत नाहीत. तर, तुम्हाला 90GB डेटा देखील मिळतो.
BSNL चा आणखी एक स्वस्त प्लॅन
BSNL आणखी एका स्वस्त प्लॅनमध्ये दीर्घ वैधता ऑफर करत आहे, परंतु त्यासोबत इतर फायदे मिळत नाहीत. बीएसएनएलच्या 797 रुपयांच्या रिचार्ज प्लॅनमध्ये 300 दिवसांची, म्हणजेच 10 महिन्यांची वैधता मिळते. पण, अमर्यादित कॉलिंगचा लाभ फक्त 60 दिवसांसाठी उपलब्ध असेल. याशिवाय, डेटा आणि एसएमएसचा लाभ देखील पहिल्या 60 दिवसांसाठी उपलब्ध असेल. हे रिचार्ज केल्यावर तुम्ही पहिल्या 60 दिवसांसाठी दररोज 100 एसएमएस पाठवू शकाल आणि दररोज 2GB डेटा मिळवू शकाल. पण, संपूर्ण 10 महिने इनकमिंग कॉल सुरू राहतील.