ऍक्सेसरीज ब्रँड Boult Audio ने भारतात आपला प्रोडक्ट पोर्टफोलिओ वाढवला आहे. कंपनीने Boult Audio Freepods Pro ट्रू वायरलेस स्टिरिओ (TWS) इयरबड्स लाँच केले आहेत. या इयरबड्सची किंमत 1,299 रुपये ठेवण्यात आली आहे. हे इयरबड्स इन- इयर डिजाईन आणि अतिरिक्त बेससाठी मायक्रो सब वूफर देण्यात आले आहेत.
Boult Audio Freepods Pro ची किंमत
Boult Audio Freepods Pro इयरबड्स भारतात ब्लॅक, व्हाईट आणि ब्लू रंगात लाँच करण्यात आले आहेत. हे बड्स फ्लिपकार्टवर 1,299 रुपयांमध्ये उपलब्ध होतील. या इयरबड्ससोबत एक वर्षाची वॉरंटी मिळेल.
Boult Audio Freepods Pro इयरबड्सचे स्पेसिफिकेशन्स
Boult Audio Freepods Pro TWS वजनाने खूप हलके आहेत, असा कंपनीने दावा केला आहे. हे इयरबड्स IPX5 रेटिंगसह सादर करण्यात आले आहेत. त्यामुळे हे पाऊस, पाणी, घाम आणि धुळीपासून सुरक्षित राहतात. यात ब्लूटूथ 5.0 आणि 10 मीटरपर्यंतची कनेक्टिव्हिटी देण्यात आली आहे.
Freepods Pro मध्ये टच कंट्रोल्स मिळतात. टच कंट्रोल्सचा वापर करून कॉल्स, व्हॉल्युम, म्युजिक ट्रॅक आणि व्हॉइस असिस्टंट देखील कंट्रोल करता येईल. यात देण्यात आलेले मायक्रो सब वुफर एक्सट्रा बेस देण्यास मदत करतात तर यातील दोन माईक कॉलच्या दरम्यान नॉइज कमी करतात.
या इयरबड्समधील अल्ट्रा-फास्ट चार्जिंग टेक्नॉलॉजी 10 मिनिटांच्या चार्जमध्ये 100 मिनिटांचा प्लेबॅक देऊ शकते. Boult Audio Freepods Pro इयरबड्स एकदा फुल चार्ज केल्यावर 8 तास बॅटरी बॅकअप देऊ शकतात. या इयरबड्सना चार्जिंग केसची जोड मिळाली कि यांची बॅटरी लाईफ 32 तासांपर्यंत वाढते.