Battlegrounds Mobile India मध्ये गेमर्ससाठी नवीन अपडेट देण्यात आले आहेत. गेम डेव्हलपर Krafton नं लग्‍जरी स्पोर्ट्सकार ब्रँड लॅम्बॉरगिनी सोबत भागेदारी केली आहे. लॅम्बॉरगिनीच्या नव्या कार्स BGMI च्या क्रेट मध्ये 25 मार्चपासून मिळण्यास सुरुवात होईल. तसेच इन-गेम स्टोर आणि इव्हेंटच्या माध्यमातून या कार्ससाठी 8 स्किन देखील मिळवता येतील.
फक्त मर्यादित काळासाठी म्हणजे 25 मार्च ते 3 मे पर्यंत BGMI प्‍लेयर्स लॅम्बॉरगिनी क्रेटचा वापर करू शकतील. या क्रेट्स 6 स्किन्ससह इन-गेम स्टोरवर उपलब्‍ध आहेत. या सर्व 6 लॅम्बॉरगिनी स्किन मिळवल्यानंतर सीक्रेट एक्सचेंज स्टोरमधील एक गुप्त पेज ओपन होईल. इथे पहिली छुपी लॅम्बॉरगिनी स्किन मिळेल. पहली छुपी लॅम्बॉरगिनी स्किन मिळाल्यानंतर अजून गुप्त पेज तयार होईल.
तसेच Lucky Spin – Speed Drift या इन-गेम इव्हेंटच्या माध्यमातून देखील दोन लॅम्बॉरगिनी स्किन मिळवता येतील. यात BGMI प्‍लेयर्सना लकी मेडल देखील जिंकता येतील. ज्यांच्या बदल्यात इव्हेंट शॉपमधून लॅम्बॉरगिनीची मिळवता येईल.
त्याचबरोबर नवीन अपडेटमधून अनेक सुधारणा करण्यात आल्या आहेत. यात नवीन प्लेग्राउंड, ऑडियो क्वालिटीमधील सुधार, Livik:Aftermath मॅपमध्ये अपडेट, इनडोर बिल्डिंग स्ट्रक्चर आणि मोडिफाइड अर्बन झोनचा समावेश आहे.