अ‍ॅपलने नुकतीच आपली iPhone 13 सीरिज भारतासह जगभरात सादर केली आहे. या लाँचनंतर कंपनीने आपल्या जुन्या स्मार्टफोन्सच्या किंमतीत मोठी कपात देखील केली आहे. परंतु फ्लिपकार्टच्या Big Billion Days सेलमध्ये जुने आयफोन मॉडेल्स अजून कमी किंमतीत उपलब्ध होतील असे दिसत आहे. फ्लिपकार्टने सेलमधील iPhone 12 च्या किंमतीचा खुलासा केला आहे. सध्या 65,900 रुपयांमध्ये मिळणार हा फोन सेलमध्ये 49,999 रुपयांमध्ये विकत घेता येईल.
फ्लिपकार्ट बिग बिलियन डेज सेल 3 ऑक्टोबरपासून सुरु होणार आहे. या सेल दरम्यान स्मार्टफोन्ससह इतर अनेक प्रोडक्टसवर भरघोस डिस्काउंट मिळू शकतो. आता ई-कॉमर्स साईटने Apple iPhone 12 च्या सेलमधील किंमतीचा खुलासा केला आहे. फ्लिपकार्टच्या टीजरनूर Apple iPhone 12 जो सध्या 65,900 रुपयांमध्ये मिळत आहे, तो बिग बिलियन डेज सेलमध्ये 50,000 रुपयांपेक्षा कमी किंमतीत विकत घेता येईल. ही किंमत फ्लिपकार्टच्या ‘Guess the Price’ सेगमेंटमधून समोर आली आहे.
जर फ्लिपकार्ट सेलमध्ये iPhone 12 ची किंमत 49,999 ठेवण्यात आली तर iPhone 12 mini ची किंमत 40,000 रुपयांच्या आसपास असू शकते. अ‍ॅप्पलचे चाहते जुन्या आयफोन्सवर मिळणाऱ्या डिस्काउंटची आतुरतेने वाट बघत आहेत. आयफोन्सच्या चाहत्यांसाठी ही एक सुवर्णसंधी ठरू शकते. विशेष म्हणजे अजून अ‍ॅमेझॉनने iPhone 12 सीरिजवरील डिस्काउंटची घोषणा केली नाही.