भारतीय कंपनी Ambrane नवनवीन टेक ऍक्सेसरीजसाठी ओळखली जाते. कंपनीच्या प्रोडक्ट पोर्टफोलिओमध्ये पावर बँक, ब्लूटूथ स्पीकर, स्मार्ट बँड, चार्जिंग केबल्स आणि चार्जर्सचा समावेश आहे. आज या कंपनीने तीन नवीन पावर बॅंक लाँच केल्या आहेत. कंपनीने Stylo सीरिजमध्ये Stylo Pro, Stylo 20K आणि Stylo 10K अश्या तीन पावर बँक 180 दिवसांच्या वॉरंटीसह फ्लिपकार्ट आणि अॅमेझॉनवरून विकत घेता येतील. यातील प्रो व्हेरिएंटची क्षमता 27000mAh आहे.
Stylo 20K
अँब्रेन स्टायलो 20के मध्ये 18W फास्ट चार्जिंग टेक्नॉलॉजी देण्यात आली आहे. या मॉडेलची क्षमता 20,000mAh आहे. यात 2 USB आणि 1 Type-C पोर्ट देण्यात आला आहे. या पावर बँकची किंमत 1,499 ठेवण्यात आली आहे.
Stylo 10K
स्टायलो 10के नावाप्रमाणे 10,000mAh क्षमेतेसह सादर करण्यात आली आहे. ही पावर बँक 20W fast charging टेक्नॉलॉजीला सपोर्ट करते. यात एक साथ दोन डिवायस चार्ज करता येतात आणि यासाठी कंपनीने Stylo 10K मध्ये दोन USB पोर्ट दिले आहेत. ही पावर बँक व्हाईट आणि ब्लॅक रंगात 899 रुपयांमध्ये विकत घेता येईल.
Stylo Pro
Stylo Pro या सीरिजमधील सर्वात मोठी पावर बँक आहे. हिची क्षमता 27000mAh आहे आणि यात 20W फास्ट चार्जिंग सपोर्ट मिळतो. या पावर बॅंकमध्ये 2 USB पोर्ट, चार्जिंगसाठी एक मायक्रो यूएसबी आणि एक Type C इनपुट पोर्ट देण्यात आला आहे. ग्रीन आणि ब्लु रंगातील ही पावर बॅंक 1,999 रुपयांमध्ये विकत घेता येईल.