चिनी कंपनी Amazfit ने भारतात आपली नवीन स्मार्टवॉच सीरीज लाँच केली आहे. GTR 3 series अंतर्गत Amazfit GTR 3 आणि GTR 3 Pro हे दोन नवीन स्मार्टवॉच सादर केले आहेत. सोबत कंपनीने Amazfit GTS 3 देखील सादर केला आहे. चला जाणून घेऊया Amazfit GTR 3, GTR Pro आणि GTS 3 ची किंमत, स्पेसिफिकेशनची माहिती.
Amazfit GTR 3, GTR 3 Pro आणि GTS 3 चे स्पेसिफिकेशन आणि फीचर्स
GTR 3 Pro मध्ये 1.45-इंचाचा AMOLED डिस्प्ले मिळतो. यात ऑलवेज-ऑन डिस्प्ले आणि 150 पेक्षा जास्त वॉच फेस मिळतात. सिंगल चार्जमध्ये हा स्मार्टवॉच 12 दिवसांचा बॅटरी बॅकअप देऊ शकतो. प्रो मॉडेलमध्ये वॉयस कॉलला सपोर्ट आणि एक लाउडस्पिकर मिळतो.
GTR 3 मध्ये 1.39 इंचाचा AMOLED डिस्प्ले आहे. हा स्मार्टवॉच सिंगल चार्जमध्ये 21 दिवसांची बॅटरी लाईफ देतो. GTS 3 मध्ये 1.75 इंचाचा मोठा डिस्प्ले देण्यात आला आहे. तसेच 12 दिवसांची बॅटरी लाईफ मिळते. तिन्ही स्मार्टवॉच अनेक हेल्थ आणि फिटनेस फीचर्स देण्यात आले आहेत. ज्यात 24×7 हार्ट रेट मॉनिटरिंग, SpO2 ट्रॅकिंग, स्ट्रेस लेव्हल मॉनिटरिंग इत्यादींचा समावेश आहे.
Amazfit GTR 3,GTR 3 Pro आणि GTS 3 ची किंमत
भारतात Amazfit GTR 3 ची किंमत 13,999 रुपयांमध्ये फ्लिपकार्टवरून विकत घेता येईल. GTR 3 थंडर ब्लॅक, मूनलाईट ग्रे कलरमध्ये उपलब्ध होईल. GTR 3 Pro स्मार्टवॉच 18,999 रुपयांमध्ये विकत घेता येईलआणि प्रो मॉडेलचे ब्राउन लेदर आणि इनफिनिट ब्लॅक व्हर्जन मिळतील. GTS 3 13,999 रुपयांमध्ये लाँच करण्यात आला आहे. जो ग्रॅफाइट ब्लॅक, टेरा रोज आणि आयव्हरी व्हाइट रंगात विकत घेता येईल. GTR 3 Pro आणि GTS 3 आजपासून Amazon आणि Amazfit India च्या वेबसाईटवरून विकत घेता येतील.