Infinix ने बजेटमध्ये स्मार्टफोन सादर करण्याचा सपाट सुरूच ठेवला आहे. आज कंपनीने जागतिक बाजारात Infinix Smart 5 Pro नावाचा नवीन स्मार्टफोन सादर केला आहे. या स्मार्टफोनमध्ये 6000mAh ची बॅटरी, 13MP चा रियर कॅमेरा आणि 8MP चा फ्रंट कॅमेरा असे स्पेसिफिकेशन्स देण्यात आले आहेत. पाकिस्तानमध्ये या फोनची किंमत 14,999 पाकिस्तानी रुपी ठेवण्यात आली आहे. ही किंमत 6,400 रुपयांच्या आसपास आहे.
Infinix Smart 5 Pro चे स्पेसिफिकेशन्स
Infinix Smart 5 Pro मध्ये 6.52 इंचाचा एचडी+ डिस्प्ले देण्यात आला आहे. प्रोसेसिंगसाठी या फोनला कंपनीने ऑक्टकोर प्रोसेसरसह UNISOC SC9863A चिपसेटची ताकद दिली आहे. ग्राफिक्ससाठी हा फोन पॉवरवीआर जीई8322 जीपीयूला सपोर्ट करतो. त्याचबरोबर 2GB RAM आणि 32GB इंटरनल स्टोरेज मिळते, जी 256GB पर्यंत वाढवता येते. हा डिवाइस अँड्रॉइड 11 आधारित एक्सओएस 7.6 वर चालतो.
इनफिनिक्स स्मार्ट 5 प्रो च्या बॅक पॅनलवर ड्युअल रियर कॅमेरा आहे. ज्यात एलईडी फ्लॅश, 13 मेगापिक्सलचा प्रायमरी सेन्सर आणि 2 मेगापिक्सलचा डेप्थ सेन्सर मिळतो. हा फोन 8 मेगापिक्सलच्या फ्रंट कॅमेऱ्याला सपोर्ट करतो. या ड्युअल सिम 4जी फोनमध्ये बेसिक कनेक्टिविटी आणि रियर फिंगरप्रिंट सेन्सर व फेस अनलॉकची सुरक्षा मिळते. पॉवर बॅकअपसाठी Infinix Smart 5 Pro मध्ये 6000mAh बॅटरी 18W फास्ट चार्जिंगसह देण्यात आली आहे.