Flipkart वर यंदाच्या पहिल्या सेलची सुरुवात झाली आहे. 17 जानेवारीला सुरु झालेला बिग सेव्हिंग डेज सेल 22 जानेवारीला संपणार आहे. या सेलमध्ये स्मार्टफोन्स आणि गॅजेट्ससह इतर अनेक गोष्टी देखील डिस्काउंटसह विकत घेता येतील. परंतु Realme 8 सीरिजवरील मिळणारा डिस्काउंट चर्चेचा विषय ठरला आहे. या सेलमध्ये कंपनीचा Realme 8i स्मार्टफोन फक्त 486 रुपयांमध्ये विकत घेता येईल.
Realme 8i किंमत आणि ऑफर्स
Realme 8i फोन 4GB/64GB आणि 6GB/128GB अशा दोन व्हेरिएंटमध्ये विकत घेता येईल. यांची किंमत 13,999 रुपयांपासून सुरु होत आहे. परंतु ICICI बँक क्रेडिट कार्डनं हा स्मार्टफोन विकत घेतल्यास यावर 750 रुपयांपर्यंतचा डिस्काउंट मिळेल. तसेच हा फोन फक्त 486 रुपयांच्या मासिक हप्त्यावर देखील घरी आणता येईल. फोन डेबिट किंवा क्रेडिट कार्डनं विकत घेतल्यास 2,000 रुपयांचा अतिरिक्त डिस्काउंट मिळेल. जुना फोन देऊन तुम्ही आणखीन 12,900 रुपये वाचवू शकता.
Realme 8i चे स्पेसिफिकेशन्स
Realme 8i स्मार्टफोनमध्ये 6.6 इंचाचा एलसीडी डिस्प्ले देण्यात आला आहे. हा डिस्प्ले 120Hz रिफ्रेश रेट आणि 2412 x 1080 पिक्सल रिजोल्यूशनला सपोर्ट करतो. हा स्मार्टफोन MediaTek Helio G96 चिपसेटसह बाजारात आला आहे. या फोनमध्ये 6GB पर्यंत RAM आणि 5GB पर्यंत व्हर्च्युअल रॅम मिळतो. तसेच फोनमध्ये 128GB पर्यंतची इंटरनल स्टोरेज देण्यात आली आहे. फोन Android 11 ऑपरेटिंग सिस्टमवर आधारित Realme UI 2.0 वर चालतो.
Realme 8i मध्ये ट्रिपल रियर कॅमेरा सेटअप मिळतो. यात 50MP चा मुख्य AI कॅमेरा देण्यात आला आहे. त्याचबरोबर फोनमध्ये एक B&W लेन्स आणि 2MP चा मॅक्रो सेन्सर देण्यात आला आहे. फोनमधील सेल्फी कॅमेरा 16MP चा आहे. कनेक्टिविटीसाठी या फोनमध्ये Wi-Fi, Bluetooth 5.0, 3.5mm ऑडियो जॅक असे ऑप्शन मिळतात. सिक्योरिटीसाठी या फोनमध्ये साईड माउंटेड फिंगरप्रिंट सेन्सर दिला आहे. या स्मार्टफोनमधील 5000mAh ची बॅटरी 18W फास्ट चार्जिंगला सपोर्ट करते.
हे देखील वाचा:
सेलची कृपा! बजेट 10 हजार तरीही ढासू स्मार्टफोन हवाय? मग एकदा हे स्मार्टफोन बघाच
Samsung ला सहज टक्कर देणार Motorola चा ‘वॉटर प्रूफ’ टॅबलेट; 7700mAh Battery संपता संपणार नाही