जर तुम्ही एखादा स्वस्त 5G स्मार्टफोन विकत घेण्याचा विचार करत असाल तर तुम्ही Realme Narzo 30 Pro वर एक नजर टाकलीच असेल. हा रियलमीच्या स्वस्त 5G स्मार्टफोन्स पैकी एक आहे. आता कंपनी या स्मार्टफोनच्या खरेदीवर 10,000 mAh ची पावर बॅंक मोफत देत आहे, अशी माहिती 91Mobiles ने दिली आहे.
रियलमीची ही ऑफर ऑफलाईन रियलमी ब्रँड स्टोर आणि रियलमी आउटलेट्ससाठी सादर करण्यात आली आहे. या ऑफरची सुरवात आज झाली असून ही ऑफर 5 ऑगस्टपर्यंत सुरु राहील. मोफत मिळणाऱ्या 10,000 mAh पावर बॅंकची किंमत 799 रुपये आहे आणि रियलमी नार्जो 30 प्रो च्या दोन्ही मॉडेलसोबत ही पावर बँक मोफत मिळेल.
Realme Narzo 30 Pro ची किंमत
Realme Narzo 30 Pro 5G चा बेस वेरिएंट 6 GB रॅमसह 64 GB इंटरनल स्टोरेजला सपोर्ट करतो आणि याची किंमत 16,999 रुपये आहे. तसेच मोठ्या वेरिएंट मध्ये 8 GB रॅमसह 128 GB इंटरनल मेमरी देण्यात आली आहे जो 19,999 रुपयांमध्ये लॉन्च झाला आहे.
Realme Narzo 30 Pro चे स्पेसिफिकेशन्स
डुअल-सिम (नॅनो) सपोर्ट असलेला हा फोन अँड्रॉईड 10 बेस्ड Realme UI वर चालतो. यामध्ये 120Hz रिफ्रेश रेटसोबत 6.5-इंच फुल-HD+ (1,080x2,400 पिक्सल) डिस्प्ले देण्यात आला आहे. तसेच स्मार्टफोनमध्ये 8GB पर्यंत LPDDR4X रॅमसोबत ऑक्टा-कोर MediaTek Dimensity 800U प्रोसेसर देखील आहे. यामध्ये यातील 48 मेगापिक्सेलचा मुख्य कॅमेरा, दुसरा 8 मेगापिक्सेलचा अल्ट्रा वाइड अँगल सेन्सर आणि तिसरा 2 मेगापिक्सेल मॅक्रो कॅमेरा सेन्सर आहे. सेल्फीसाठी फोनमध्ये 16 मेगापिक्सेलचा कॅमेरा देण्यात आला आहे. फोनमध्ये साईड माउंटेड फिंगरप्रिंट सेन्सरही आहे. तसेच, 30W डर्ट फास्ट चार्जिंगचा सपोर्ट असलेली 5000mAh ची बॅटरीही मिळेल.