बाळकृष्ण दोड्डी सोलापूर : राज्य शासनाच्या उच्च व तंत्र शिक्षण विभागाचे प्रधान सचिव विकासचंद्र रस्तोगी यांच्या आदेशानुसार पुण्यश्लोक अहिल्यादेवी होळकर सोलापूर विद्यापीठाच्या परीक्षा सोमवार, ६ फेब्रुवारी पासून नियोजित जाहीर अंतिम वेळापत्रकानुसार सुरू होणार असल्याची माहिती परीक्षा व मूल्यमापन मंडळाचे संचालक डॉ. शिवकुमार गणपुर यांनी दिली.
पुण्यश्लोक अहिल्यादेवी होळकर सोलापूर विद्यापीठाच्या (ऑक्टोबर-नोव्हेंबर-2022) विद्यापीठ आयोजित परीक्षा 23 जानेवारी पासून सुरू झाले होते. मात्र महाविद्यालयीन व विद्यापीठ कर्मचाऱ्यांचा परीक्षा कामकाजावर बहिष्कार आंदोलनामुळे २ ते ४ फेब्रुवारी दरम्यानच्या परीक्षा स्थगित करण्यात आल्या. आता शासनाच्या आदेशानुसार. ६ फेब्रुवारी पासून विद्यापीठाच्या संकेतस्थळावर जाहीर अंतिम वेळापत्रकानुसार ज्या-त्या दिवसाची परीक्षा सुरू करण्यात येत असल्याचे परिपत्रक परीक्षा व मूल्यमापन मंडळाचे संचालक डॉ. गणपुर यांनी काढले आहे. याची माहिती संबंधित सर्व महाविद्यालये, संस्था चालक व अधिविभाग प्रमुखांना कळविले आहे.