Solapur Municipal Corporation Election: आप्पासाहेब पाटील, साेलापूर: भाजपाविरोधात सोलापूर महानगरपालिका निवडणुकीच्या रणांगणात उतरलेल्या महाविकास आघाडीची जागा वाटप संदर्भातील बैठक शनिवारी झाली. या बैठकीत जागा वाटपावर एकमत झाले. यात काँग्रेस पक्ष ४५, ठाकरसेना ३०, राष्ट्रवादी-शरद पवार गट २० तर मार्क्सवादी कम्युनिस्ट ७ जागा लढविणार असल्याची माहिती समोर आली आहे.
या जागा वाटपासंदर्भातील घोषणा शनिवारी दुपारी करण्यात आली. यावेळी माकपकडून आडम मास्तर, युसूफ मेजर, काँग्रेसकडून शहराध्यक्ष चेतन नरोटे, माजी आमदार प्रकाश यलगुलवार, अशोक निंबर्गी, राष्ट्रवादी-शरद पवार गटाकडून महेश गादेकर, भारत जाधव, शंकर पाटील, ठाकरेसेनेकडून शहराध्यक्ष अजय दासरी, उपनेत्या अस्मिता गायकवाड, संतोष पाटील व मनसेकडूनही काही नेते उपस्थित होते. मागील काही दिवसांपासून जागा वाटपासाठी बैठकावर बैठका होत होत्या. राष्ट्रवादी-शरद पवार गट व ठाकरेसेनेच्या जागेवरून जागा वाटप लांबणीवर पडले होते. अखेर शनिवारी अंतिम बैठकीत तोडगा निघाला अन् जागा वाटप अंतिम करण्यात आले. भाजपाला सत्तेपासून दूर ठेवण्यासाठी महाविकास आघाडीने रणनिती आखली आहे. सोलापूर महापालिका निवडणुकीत जास्तीत जास्त जागा जिंकण्याचा निर्धार या बैठकीत करण्यात आला. ठाकरेसेनेच्या जागेतूनच मनसेलाही जागा देण्यात येणार असल्याचे सांगण्यात आले.
Web Summary : Maha Vikas Aghadi finalized seat sharing for the Solapur Municipal Corporation election. Congress will contest 45 seats, Thackeray Sena 30, NCP (Sharad Pawar faction) 20, and CPI(M) 7. The alliance aims to defeat BJP and win maximum seats, with MNS also accommodated from Thackeray Sena's quota.
Web Summary : सोलापुर महानगरपालिका चुनाव के लिए महा विकास अघाड़ी में सीटों का बंटवारा हुआ। कांग्रेस 45, ठाकरे सेना 30, राष्ट्रवादी (शरद पवार गुट) 20 और सीपीआई(एम) 7 सीटों पर चुनाव लड़ेगी। गठबंधन का लक्ष्य भाजपा को हराना और अधिकतम सीटें जीतना है, ठाकरे सेना के कोटे से मनसे को भी सीटें दी जाएंगी।