कुर्डूवाडी : विठ्ठल काॅर्पोरेशन (म्हैसगाव, ता. माढा)ने गौरी-गणपती सणानिमित्त २०२०-२१ या गाळप हंगामाकरिता गाळपास आलेल्या ऊस बिलापोटी दुसरा हप्ता प्रती मेट्रिक टन १३० रुपयेप्रमाणे सभासद व बिगर सभासद यांना गुरुवारपासून वाटप सुरू केल्याची माहिती विठ्ठल काॅर्पोरेशनचे व्यवस्थापकीय संचालक यशवंत शिंदे व कार्यकारी सल्लागार एच. बी. डांगे यांनी दिली.
व्यवस्थापकीय संचालक यशवंत शिंदे यांनी कारखान्याचा आगामी ऊस गाळप हंगाम २०२१-२२ करिता ऊस तोडणी वाहतूककरिता कारखान्याकडे करार करण्यात आलेल्या बैलगाडी व ट्रॅक्टरगाडी कंत्राटदार यांना प्रथम हप्त्यापोटी यापूर्वी ४ कोटी ८ लाख ६० हजार रुपये वाटप केले. उर्वरित ट्रॅक्टरगाडी कंत्राटदार यांची प्रती ट्रॅक्टरगाडी दीड लाख प्रमाणे प्रथम हप्ता व ट्रक-ट्रॅक्टर वाहन कंत्राटदार यांची प्रती वाहन प्रथम हप्ता तीन लाख प्रमाणे वाहन कंत्राटदारांना वाटप सुरू केले आहे.
-----