काँग्रेसच्या जिल्हाध्यक्षपदी संतोष पाटील

मोहोळमध्ये आनंद: नरखेडला २६ वर्षांनंतर दुसऱ्यांदा मान

मोहोळ: जिल्हा काँग्रेस कमिटीच्या अध्यक्षपदी मोहोळ तालुक्यातील नरखेडचे सुपुत्र संतोष सुरेश पाटील यांची निवड करण्यात आली आहे़ ग्रामीण भागातील कार्यकर्त्याला जिल्हाध्यक्षपद मिळाल्याने सर्वत्र आनंद व्यक्त होत आहे़मुंबई येथे नुकत्याच झालेल्या बैठकीत हा निर्णय झाला़ लोकसभा निवडणुकीत सुशीलकुमार शिंदे यांच्या दारूण पराभवानंतर काँग्रेसमध्ये राजीनामा सत्र सुरू झाले होते़ अध्यक्षपद कोणाला मिळणार याकडे सर्वांचे लक्ष लागून राहिले होते. बाळासाहेब शेळके यांच्या राजीनाम्यानंतर रिक्त झालेल्या जिल्हाध्यक्षपदाची जबाबदारी आता संतोष पाटील यांच्याकडे सोपविण्यात आली आहे़ ------------------नरखेडला मानजिल्हा काँग्रेसच्या अध्यक्षपदाचा मान नरखेडला पुन्हा एकदा मिळत आहे़ ज्येष्ठ नेते, माजी मंत्री कै़शहाजीराव पाटील यांनी तब्बल ११ वर्षे जिल्ह्याचे नेतृत्व केले आहे़(१९७७ ते १९८८)आता सुमारे २६ वर्षांनंतर संतोष पाटील यांना संधी मिळत आहे़--------------------------श्रेष्ठींनी सोपविलेल्या जबाबदारीची जाणीव असून आपण ती योग्यरितीने पार पाडू़ आगामी विधानसभा निवडणुकीत जिल्ह्यात काँग्रेसला बळकट करण्यात येईल़ सर्वांना सोबत घेऊन जिल्हा काँग्रेसला पुनर्वैभव प्राप्त करून देऊ़- संतोष पाटील, नूतन जिल्हाध्यक्ष