साेलापूर : साेलापूरचे प्रसिध्द चित्रकार सचिन खरात यांनी अबूधाबी शहरातील कलाप्रेमी आणि वैद्यकीय क्षेत्रातील नामवंत व्यक्तींकडून वाहवा मिळविली. अबुधाबीतील स्त्री राेग उपचार केंद्रात आयाेजित केलेल्या चित्रप्रदर्शनाला उत्स्फूर्त प्रतिसाद मिळाला.
सचिन खरात आणि साेलापुरातील प्रसिध्द स्त्रीराेग तज्ज्ञ डाॅ. संदेश कादे यांच्या माध्यमातून हे प्रदर्शन आयाेजित करण्यात आले हाेते. अबूधाबीच्या बुर्जील मेडिकल सिटीमध्ये स्त्रीराेग उपचार केंद्र स्थापन करण्यात आले आहे. या केंद्रामध्ये एंडोमेट्रिओसिस आजारावर विशेष उपचार होणार आहेत. चित्रकलेच्या माध्यमातून महिलांच्या आजाराची माहिती व्हावी आणि त्यांच्या वेदनेला फुंकर घालून त्याबद्दलची जनजागृती व्हावी यासाठी या उपचार केंद्रात चित्रप्रदर्शनाचे आयाेजन केल्याचे सचिन खरात यांनी सांगितले. या प्रदर्शनाचे उद्घघाटन युईएच्या राज्यमंत्री डॉ. मैथा बिंत सालेम अल शमसी यांच्या हस्ते झाले. या कार्यक्रमाला बुर्जील हॉस्पिटल्सच्या वैद्यकीय आणि प्रशासकीय कर्मचाऱ्यांनीही या उपक्रमात भाग घेतला हाेता. या प्रदर्शनाला उत्स्फूर्त प्रतिसाद मिळाला.