सोलापूर- राष्ट्रवादी काँग्रेसचे प्रमुख शरद पवार हे महान नेते आहेत. मात्र त्यांनी राज्यामध्ये काड्या करण्यापलीकडे कांही केलं नाही, अशी टीका रयत क्रांती संघटनेचे अध्यक्ष सदाभाऊ खोत यांनी केली आहे.
शरद पवारांनी जाईल तिथं आग लावायची आणि दुसऱ्या घराला परत आग लावायला निघून जायचं. त्यांचं सर्व आयुष्य हे आग लावण्यामध्येच गेलं आहे. त्यामुळे त्यांनी पवार हे आडनाव बदलून 'आगलावे' करावं, असा सल्ला देखील सदाभाऊ खोत यांनी दिला आहे.
सांगलीतील पुण्यश्लोक अहिल्यादेवी होळकर स्मारक लोकार्पण सोहळ्यासंबंधी बोलताना सदभाऊंनी पवारांवर तोफ डागलीय. सदाभाऊ हे आज सोलापूर जिल्हा दौऱ्यावर आहेत.