कुर्डूवाडी : आमदार मामासाहेब क्रिकेट चषक २०२१ च्या क्रिकेट स्पर्धेत यंदाही पुन्हा एकदा राज भोसरे संघाने करमाळा येथील शिवक्रांती क्रिकेट संघावर सहज मात करीत या चषकावर आपले वर्चस्व कायम ठेवले आहे.
भोसरे (कुर्डूवाडी) येथे राज भोसरे क्रिकेट क्लब, भोसरे आयोजित आमदार मामासाहेब चषक क्रिकेट स्पर्धेचे आयोजन करण्यात आले होते. त्यात भोसरे येथील राज भोसरे संघाने अंतिम सामन्यामध्ये बाजी मारली व चषक जिंकला. याचे बक्षीस वितरण आमदार संजयमामा शिंदे यांच्या हस्ते करण्यात आले.
यावेळी प्रथम पारितोषिक राज क्रिकेट क्लब भोसरे, द्वितीय पारितोषिक शिवक्रांती क्रिकेट क्लब, करमाळा, तृतीय पारितोषिक रिधोरे क्रिकेट क्लब व चतुर्थ पारितोषिक रोख अकरा हजार रुपये टेभुर्णी संघाला देण्यात आले. या चषकात एकूण ४० संघांनी सहभाग घेतला होता. स्पर्धेचे हे आठवे वर्ष होते.
या समारंभास आ. संजयमामा शिंदे, नगराध्यक्ष समीर मुलाणी, विठ्ठल ॅकार्पोरेशनचे कार्यकारी संचालक यशवंत शिंदे, अमोल सुरवसे, हरिदास बागल, आप्पा उबाळे, ता. पं. सदस्य सुरेश बागल, नगरसेवक आनंद टोणपे, संभाजी सातव, कुस्ती सम्राट अस्लम काझी, शिवसेनेचे युवा नेते सचिन बागल, चौभेपिंपरीचे सरपंच विक्रम उरमोडे, बोरगावचे सरपंच विनय ननवरे, बारलोणीचे सरपंच संजय लोंढे, चिंचगावचे सरपंच सुभाष उबाळे, ज्येष्ठ नेते वामनराव बागल, अनंतराव बागल, सुधीर बागल, शहाजी पाटील, आदी उपस्थित होते.
सामने यशस्वी करण्यासाठी राज भोसरे संघातील सर्व खेळाडू व संभाजी बागल, बबलू बागल, अमित टोणपे, प्रणित शिंदे, पंडित खारे ,राहुल अंधारे, चिंटू पाटील, दादा चव्हाण, हेमंत पिसाळ, समाधान बागल यांनी सहकार्य करीत परिश्रम घेतले. सामन्याचे आयोजन हर्षल बागल व संजय चव्हाण यांनी केले होते.
फोटो ओळ-
भोसरे येथे आमदार मामासाहेब क्रिकेट चषक २०२१ च्या क्रिकेट स्पर्धेत विजेता ठरलेला राज भोसरे संघाला पारितोषिक वितरण करताना आमदार संजयमामा शिंदे, नगराध्यक्ष समीर मुलाणी, वामनभाऊ उबाळे, आप्पासाहेब उबाळे, यशवंत शिंदे, अमोल सुरवसे, आदी मान्यवर.
----