अरविंद ज्ञानेश्वर मेटकरी (वय २१) व बंडू पांडुरंग गोरे (वय ४२, रा. नंदेश्वर) अशी जागीच ठार झालेल्या दोघांची नावे आहेत.
पोलीस सूत्रांनुसार अरविंद मेटकरी यांच्या आजीचे निधन होऊन शनिवारी तिसरा दिवस होता. त्यामुळे अस्थी विसर्जन करण्यासाठी अरविंद मेटकरी आणि बंडू गोरे हे नंदेश्वर-मंगळवेढा मार्गे माचनूर येथील भीमा नदी पात्राकडे निघाले होते. दरम्यान सोलापूरहून येणाऱ्या दुधाच्या टेम्पोने (एमएच १०/ सीआर ६६८१) चुकीच्या बाजूने येऊन (एमएच १३ / डीएल ११७८) दुचाकीला धडक दिली.
यामध्ये टेम्पो दुभाजकावर आदळला. यामध्ये अरविंद मेटकरी व बंडू गोरे मोटारसायकलवरून पडून जागीच ठार झाले. टेम्पो चालक मोहसीन गौस शेख (वय २८, रा. निमशिरगाव, ता. शिरोळ, जि. कोल्हापूर) याच्यावर भादंवि २७९, ३०४, ४२७, १८४ प्रमाणे गुन्हा नोंदला आहे. अधिक तपास सहाय्यक पोलीस निरीक्षक नागराज निंबाळे करीत आहेत.
----
२४अरविंद मेटकरी, २४बंडू गोरे