शिरवळ : अक्कलकोट तालुक्यातील बादोले ग्रामपंचायतीच्या सरपंचपदी पार्वती दिगंबर धायगोडे यांची, तर उपसरपंचपदी सिद्धाराम पंचाक्षरी बिराजदार यांची बिनविरोध निवड करण्यात आली.
निवडणूक निर्णय अधिकारी म्हणून धर्मसाले, तलाठी थोरात व ग्रामसेवक कुंभार यांच्या उपस्थितीत ही निवड प्रक्रिया पार पडली. सरपंचपदासाठी पार्वती धायगोडे व उपसरपंचपदासाठी सिद्धाराम बिराजदार या दोघांचेच अर्ज आल्याने ही निवडणूक बिनविरोध निवड पार पडली.
माजी सरपंच खरात, देवकर, गायकवाड यांच्या ग्राम विकास पॅनलचे सर्व ११ सदस्य निवडून आल्याने सरपंच व उपसरपंच बिनविरोध झाले. शिवाजी पाटील, बसवणाप्पा बिराजदार, सैदू शेख, बाजीराव खरात, मल्हारी देवकर, गौरीशंकर गायकवाड, प्रल्हाद भंडारे, अंबादास धायगोडे, शिवानंद बिराजदार, संदीप भंडारे उपस्थित होते. वागदरी गणाचे जिल्हा परिषद सदस्य आनंद तानवडे यांच्या हस्ते सरपंच, उपसरपंच व सदस्यांचा सत्कार करण्यात आला.
-----
फोटो