पीडित महिलांसाठी सोलापुरात वन स्टॉप सेंटर उभारणार

पीडित महिलांना वैद्यकीय, पोलीस आणि कायदेविषयक मदत करण्यासाठी केंद्रीय महिला व बालकल्याण मंत्रालयामार्फत मिळणारे वन स्टॉप सेंटर सोलापूर येथे उभारण्यात येणार आहे.

ठळक मुद्देनिराधार महिलांना आधार देणारे शेल्टर होम करमाळा येथेवर्किंग वुमेन होस्टेल कोठे सुरु करायचे या संदर्भातील निर्णय अद्याप नाही़

अकलूज : पीडित महिलांना वैद्यकीय, पोलीस आणि कायदेविषयक मदत करण्यासाठी केंद्रीय महिला व बालकल्याण मंत्रालयामार्फत मिळणारे वन स्टॉप सेंटर सोलापूर येथे उभारण्यात येणार आहे. त्यासाठी १८ रोजी सोलापूर येथे बैठकीचे आयोजन केल्याची माहिती खा़ विजयसिंह मोहिते-पाटील यांनी दिली. या संदर्भात खा. विजयसिंह मोहिते-पाटील, आ़ नारायण पाटील, जि़ प़ सदस्या शीतलदेवी मोहिते-पाटील, स्वरुपाराणी मोहिते-पाटील, जिल्हा महिला व बालकल्याण अधिकारी विजयकुमार खोमणे, पर्यवेक्षक नितीन जाधव, जिल्हा बालसंरक्षण अधिकारी नितीन थोरात यांची गुरुवारी अकलूज येथे बैठक झाली. येथील डॉटर मॉम फाउंडेशनच्या अध्यक्षा शीतलदेवी मोहिते-पाटील यांनी खा़ विजयसिंह मोहिते-पाटील यांच्या माध्यमातून केंद्रीय महिला व बालकल्याण मंत्री मनेका गांधी यांच्याकडे महिलांसाठी या तीन मागण्या केल्या होत्या. मनेका गांधी यांनी या तीन योजना देण्याचे मान्यही केले आहे. पीडित महिलांना न्याय व आधार देण्यासाठी असलेली वन स्टॉप सेंटर ही योजना जिल्ह्याच्या ठिकाणी असावी, असे निकष आहेत.  निराधार महिलांना आधार देणारे शेल्टर होम करमाळा येथे सुरु करण्यात येणार असल्याचे खा़ विजयसिंह मोहिते-पाटील यांनी सांगितले. वर्किंग वुमेन होस्टेल कोठे सुरु करायचे या संदर्भातील निर्णय अद्याप झालेला नाही़ या योजनांचे प्रस्ताव तयार करणे व त्या संबंधित निर्णय घेण्यासाठी १८ रोजी दुपारी ३ वाजता जिल्हाधिकारी कार्यालयात बैठक होणार आहे. राज्यातील ३६ पैकी ९ जिल्ह्यात हे सेंटरकाय आहेत अटी.......- वन स्टॉप सेंटरसाठी ३५०० चौरस फूट जागेची गरज असून, राज्यातील ३६ पैकी केवळ ९ जिल्ह्यात असे सेंटर सुरु आहे. इमारतीसाठी ३७ लाखांचा निधी केंद्राकडून मिळणार आहे़ ३० महिला क्षमतेच्या शल्टर होमच्या इमारतीसाठी ४० लाखांचा निधी मिळतो. ३० महिलांच्या पोषणासाठी प्रतिवर्षी नऊ लाख व त्यातील स्टाफसाठी साडेपाच लाख मिळतात.केंद्रीय महिला व बालकल्याण मंत्रालयाची योजना आहे.  महाराष्ट्रात केवळ नऊ जिल्ह्यात असे सेंटर उपलब्ध आहेत़ खा़ विजयसिंह मोहिते-पाटील यांच्या माध्यमातून सोलापुरात हे सेंटर सुरु करण्यासाठी पाठपुरावा सुरु आहे.- शीतलदेवी मोहिते-पाटील,अध्यक्ष, डॉटर मॉम फाउंडेशन, अकलूज