सोलापूर : उत्तर सोलापूर तालुका पंचायत समितीच्या सभापती रजनी भडकुंबे यांच्या विरोधात दाखल केलेला अविश्वास ठराव आज तीन विरुद्ध एक अशा मताने मंजूर करण्यात आला.
उत्तर सोलापूर तालुका पंचायत समितीच्या सभागृहात अविश्वास ठरावाच्या संदर्भातील सभा पीठासन अधिकारी तथा प्रांताधिकारी हेमंत निकम यांच्या प्रमुख उपस्थितीत झाली. सकाळी 11 वाजता सभेच्या कामकाजाची सुरुवात झाली. पीठासन अधिकारी निकम यांनी अविश्वास ठरावाबाबत हात उंचावून मतदान घेतले. त्यावेळी अविश्वास ठरावाच्या बाजूने तीन सदस्यांनी हात वर केले तर विरोधात एक सदस्यांनी हात वर केला. त्यामुळे भाजपच्या सदस्य संध्याराणी पवार, राष्ट्रवादीचे सदस्य जितेंद्र शीलवंत, माजी आमदार दिलीप माने गटाचे सदस्य हरिदास शिंदे या तिघांनी एकत्र येऊन दाखल केलेला अविश्वासाचा ठराव तीन विरुद्ध एक ताने मंजूर करण्यात आला.