सोलापुरात परदेशी पक्ष्यांची मांदियाळी!

पावसाने जलाशये तुडुंब भरली; रशिया, कोरिया, फिलिपाईन्स, चीनमधील पाहुणे आले

सोलापूर : हिवाळ्याची चाहुल लागताच सोलापुरात रशिया, कोरिया, पाकिस्तान, फिलिपाईन्स, चीन या देशांचा प्रवास करून जगातील ७५ ते १०० शिकारी पक्षी सोलापुरात दाखल झाल्याची माहिती वाईल्डलाईफ फोटोग्राफर आणि पक्षीमित्र डॉ़ व्यंकटेश मेतन यांनी ‘लोकमत’शी बोलताना दिली.सोलापूर हे पक्ष्यांचं नंदनवन आहे, हे आता सर्वांना परिचितच आहे़ दरवर्षी हिवाळ्यात परदेशातून अनेक पक्षी स्थलांतर करून सोलापूर आणि आजूबाजूच्या परिसरात येतात़ यावर्षीसुध्दा अनेक परदेशी पक्ष्यांचं सोलापुरात आगमन झालेलं आहे़ यात मोन्टोगो हॅरियर (मोंटुग्याचा भोवत्या), पॅलिड हॅरियर (पांढऱ्या भोवत्या), युरेशियन मार्श हॅरियर (दलदली भोवत्या), पाईड हॅरियर (कवड्या भोवत्या/हारीण), कॉमन केस्ट्रल (सामान्य खरूची), रेड नेक फाल्कन (लाल डोक्याचा ससाणा), युरेशियन स्पॅरो हॉक (युरेशियन चिमणीमार ससाणा) हे शिकारी पक्षी हजारो किलोमीटरचा प्रवास करून सोलापूर परिसरात आले आहेत.उजनी, हिप्परगा, कुरनूर, होटगी धरण परिक्षेत्राचे आवार मोठे असल्याने येथे मुबलक प्रमाणात जैवविविधता आढळते. त्यामुळे परदेशी दुर्मिळ पक्ष्यांचा सोलापूरकडील ओढा वाढला आहे़ मागील आठवड्यात कुरनूर धरणावर आॅस्प्रे हा शिकारी पक्षीदेखील दिसला गेला़ त्याचे आवडते खाद्य मासे आहे. हा एक विश्वव्यापी पक्षी असून, याचे प्रजनन केवळ अमेरिकेतील भौगोलिक परिस्थितीत होते. वास्तविक हा पक्षी आपल्याकडे जास्त प्रमाणात आढळत नसल्याचेही पक्षीमित्रांनी सांगितले.शिकारी पक्षी शेतकऱ्यांचे मित्रपरदेशातून आलेले शिकारी पक्षी हे शेतकºयांचे मित्र बनले आहेत़ शेतीला उपद्रव करणारे मोठे किडे, कीटक, नाकतोडे, टोळ, उंदीर, घुशी, ससे, मासे, साप, पक्षी, फडफड, लहान सस्तन प्राणी, सरडे यांची शिकार करून नैसर्गिक नियंत्रक म्हणून ते कार्य करतात़