मंगळवेढा : शिवशंभो कलेक्शनचे सारंग पुजारी यांनी नव्याने सुरू केलेल्या फ्रंचाईजीच्या सरकार द ब्रँडचे उद्घाटन धनश्री परिवाराचे संस्थापक प्रा. शिवाजीराव काळुंगे यांच्या अध्यक्षतेखाली व खरेदी-विक्री संघाचे चेअरमन सिद्धेश्वर आवताडे यांच्या हस्ते पार पडले.
आजच्या समाज परिस्थितीचा विचार करता तरुणांनी अवतीभोवतीच्या परिसराचा, वातावरणाचा अभ्यास करावा. ज्यानुसार गरज असेल त्यानुसार सेवा देण्यास व उद्योग व्यवसायास सुरुवात करावी, तर तरुणांना आर्थिक स्थैर्य प्राप्त होईल, असे चेअरमन सिद्धेश्वर आवताडे यांनी सांगितले.
होतकरू व गरजू तरुणांना सरकार द ब्रँडच्या माध्यमातून व्यवसायासाठी हातभार लावून जिल्ह्यात नवउद्योजक तयार करण्याचा मानस सरकार द ब्रँडचे सारंग पुजारी यांनी याप्रसंगी व्यक्त केला.
यावेळी शैलेश आवताडे, धनश्री मल्टिस्टेटचे सरव्यवस्थापक रमेश फडतरे, सोमनाथ बुरजे, युवराज घुले, प्रदीप खवतोडे, हर्षद डोरले, समाधान डोंगरे, विशाल जाधव, सुनील शिंदे, प्रमोद पुजारी, अविनाश पुजारी, राजू पुजारी, पुरुषोत्तम पुजारी, साहिल पुजारी, सारंग पुजारी उपस्थित होते. (वा.प्र.)
---
फोटो : १७ सरकार
सरकार द ब्रँडच्या उदघाटन प्रसंगी प्रा. शिवाजीराव काळुंगे, चेअरमन सिध्देश्वर आवताडे, उद्योजक सारंग पुजारी, शैलेश आवताडे, रमेश फडतरे