आप्पासाहेब पाटील, सोलापूर: कर्नाटकातील विजयपुरा येथील ज्ञान योगाश्रमाचे प्रमुख सिद्धेश्वर स्वामीजी यांचे अल्पशा आजाराने निधन झाले. सोलापूर शहर व जिल्ह्यात त्यांचे हजारो भक्त होते.
सिद्धेश्वर स्वामीजी यांचे सोमवारी रात्री उशिरा निधन झाले. त्यांच्यावर विजयपुरा येथे शासकीय इतमामात अंत्यसंस्कार होणार आहेत. तसेच त्यांच्या निधनामुळे विजयपुरा येथील शाळा आणि महाविद्यालयांना आज (3 जानेवारी) सुट्टी जाहीर करण्यात आली.
पंतप्रधान नरेंद्र मोदी यांनी सिद्धेश्वर स्वामीजी यांच्या निधनाबद्दल शोक व्यक्त केला. "परमपूज्य सिद्धेश्वर स्वामी जी त्यांच्या समाजातील अतुलनीय सेवेसाठी स्मरणात राहतील. त्यांनी इतरांच्या भल्यासाठी अथक परिश्रम घेतले आणि त्यांच्या विद्वान आवेशासाठी त्यांचा आदरही केला गेला. या दुःखाच्या प्रसंगी माझे विचार त्यांच्या असंख्य भक्तांसोबत आहेत. ओम शांती," असे ट्विट पंतप्रधान मोदींनी केले आहे.
कर्नाटक, महाराष्ट्र व इतर राज्यांतील त्यांच्या भक्तांचे त्यांच्यावर प्रेम होते. सोलापूर शहर व जिल्ह्यात त्यांचे हजारो भक्त होते. त्यांना कन्नड, मराठी, इंग्रजी, संस्कृत आणि उर्दू या भाषा अवगत होत्या.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"