सोलापूर : शहरातील नेहरुनगर येथील शासकीय मैदानावर असलेली ५ झाडे महापालिकेची परवानगी न घेता तोडल्याबद्दल पंढरपुर तालुका क्रीडा अधिकारी सत्तेन जाधव यांना प्रति वृक्ष एक लाख रुपये यानुसार पाच लाख रुपये दंड लावण्यात आला आहे. दंड भरण्यासाठी १५ दिवसांची मुदत महापालिका प्रशासनाने दिली आहे.
वृक्ष तोडीची ही घटना फेब्रुवारी महिन्यात घडली होती. त्यावेळी जाधव यांच्याकडे नेहरुनगरच्या मैदानाची अतिरिक्त जबाबदारी देण्यात आली होती. त्यामुळे बेकायदा झाडे तोडल्याबद्दलची जबाबदारी जिल्हा क्रीडा कार्यालयाने जाधव यांच्यावर निश्चित केली. त्यानंतर दंडात्मक कारवाईचे आदेश महापालिकेने काढले आहेत.
नेहरुनगरच्या शासकीय मैदानावर झालेली बेकायदा व्रुक्षतोडीचा प्रकार गंभीर आहे.