गेल्या पंधरा दिवसांपासून करमाळा तालुक्यात धुमाकूळ घालणाऱ्या बिबट्याचा खात्मा करणाऱ्या डॉ. धवलसिंह मोहिते-पाटील आज करमाळा येथे आले होते. नरभक्षक बिबट्याच्या हल्ल्यात ठार झालेल्या फुंदेवाडीच्या कल्याण फुंदे, अंजनडोहच्या जयश्री शिंदे यांच्या निवासस्थानी जाऊन धवलसिंह यांनी कुटुंबीयांचे सांत्वन केले. त्यांच्यासोबत धवलसिंह यांच्या पत्नी, जिल्हा परिषदेचे अध्यक्ष अनिरुद्ध कांबळे, महेंद्र पाटील, अजित निंबाळकर आदी उपस्थित होते.
डॉ. धवलसिंह मोहिते-पाटील यांचा करमाळा कृषी उत्पन्न बाजार समितीच्या सभागृहात सभापती शिवाजीराव बंडगर, उपसभापती चिंतामणी जगताप यांच्या हस्ते सत्कार करण्यात आला. यावेळी प्रतापराव जगताप उपस्थित होते. पंचायत समितीच्या कार्यालयात सभापती गहिनीनाथ ननवरे व उपसभापती दत्तात्रय सरडे यांच्या हस्ते सत्कार करण्यात आला. त्यानंतर करमाळा तालुका पत्रकार संघाच्या वतीने संघाच्या कार्यालयात अध्यक्ष महेश चिवटे, अशोक नरसाळे यांच्या हस्ते सत्कार करण्यात आला.
-----
फोटो ओळी : २१करमाळा-सत्कार
करमाळा कृषी उत्पन्न बाजार समितीमध्ये सत्कारप्रसंगी बोलताना डॉ.धवलसिंह मोहिते-पाटील. समवेत सभापती शिवाजीराव बंडगर, उपसभापती चिंतामणी जगताप, प्रतापराव जगताप.
----