सोलापूर जिल्ह्यात अनेक नोंदणीकृत सोसायटी संस्था, तसेच क्रियाशील मच्छीमार व असंघटित मच्छीमार अशी एकूण २५ हजार मच्छीमार कुटुंबे अवलंबून आहेत. मासेमारी व विक्री बंद असल्याने अनेक मच्छीमार बांधवांना रोजीरोटीचा प्रश्न सतावत आहे. शासनाने दखल घेऊन आर्थिक अथवा शिधा अनुदान द्यावे.
शासनाकडून अत्यावश्यक सेवा सोडून लॉकडाऊन वाढविल्यामुळे ७ ते ११ यावेळेत मासे पकडून विक्री करणे शक्य नाही. सोलापूर शहर व जिल्ह्यातील हातावर पोट असणाऱ्या मच्छीमारांचा विचार करून त्यांच्या रोजीरोटीची अडचण होऊ नये, म्हणून कोरोनाचे नियम पाळून योग्य खबरदारी घेऊन पूर्ण वेळ मासेमारी व मासे विक्री करण्यास परवानगी देण्यात यावी. शासनाने रेशन धान्य व मच्छीमार बांधवांना सानुग्रह अनुदान तातडीने द्यावे, अशी मागणी करण्यात आली आहे.
----
Characters : 0