सोलापूर - आषाढी वारीच्या पार्श्वभूमीवर पंढरपूरसह आसपासच्या ९ गावात १७ ते २५ जुलै २०२१ पर्यंत संचारबंदीचा निर्णय घेण्यात आल्याची माहिती जिल्हाधिकारी मिलिंद शंभरकर व सोलापूर ग्रामीणच्या पोलीस अधीक्षक तेजस्वी सातपुते यांनी पत्रकार परिषदेत दिली.
आषाढी एकादशी मंगळवार दि.२० जुलै २०२१ वा श्री. विठ्ठल रूक्मिणीची शासकीय महापूजा महाराष्ट्र राज्याचे मुख्यमंत्री व मानाचे वारकरी यांच्या हस्ते पहाटे २.२० ते ३.३० पर्यंत होणार आहे. दरम्यान, आषाढी वारीस दरवर्षी होणारी गर्दी लक्षात घेता व कोरोना विषाणूंचा प्रादुर्भाव लक्षात घेता पंढरपूर शहरात शनिवार १७ जुलै २०२१ रोजी दुपारी २.०० वाजल्यापासून रविवार २५ जुलै २०२१ रोजी सायंकाळी ४.०० वाजेपर्यंत पंढरपूर शहर व आजूबाजूच्या लगतच्या ९ (भटूंबरे, चिंचोळी भोसे, शेगाव दुमाला, लक्ष्मी टाकळी, गोपाळपूर, वाखरी, कोर्टी, गादेगाव, शिरढोण, कौठाळी इत्यादी ) गावात संपूर्ण संचारबंदी लागू करण्यात येत आहे. अशी माहिती जिल्हाधिकारी मिलिंद शंभरकर यांनी पत्रकार परिषदेत दिली.