बांगरवाडीत दुचाकींची धडक

एक ठार

वैराग: बार्शी तालुक्यातील बांगरवाडी फाट्याजवळ दोन मोटरसायकलींची समोरासमोर धडक झाल्याने एक जण जागीच ठार तर अन्य दोघे गंभीर जखमी झाले. शुक्रवारी रात्री ८ वाजता हा अपघात झाला. महादेव भीमराव कळसाईत (वय- ४५) असे मयत इसमाचे नाव आहे. बार्शी-कुर्डूवाडी रोडवर बांगरवाडी फाट्यावर शुक्रवारी रात्री बाभुळगाव (ता. बार्शी) येथील दगडू जाधव, मयत महादेव कळसाईत व जालिंधर सुरवसे हे तिघे मोटरसायकलवरुन (एम.एच. १२ डब्ल्यू १०६९) गावाकडे निघाले होते. बांगरवाडी फाट्याजवळ एम. एच. १३ ए. टी. २६५५ या क्रमांकाच्या गाडीने जोरात धडक दिली. यात महादेव कळसाईत जागीच ठार झाले तर दगडू जाधव व जालिंधर सुरवसे हे दोघे जखमी झाले.