दरवर्षी आ. शिंदे यांच्या वाढदिवसानिमित्त विठ्ठलराव शिंदे बहुउद्देशीय सांस्कृतिक मंडळ व विठ्ठलराव शिंदे साखर कारखाना यांच्या माध्यमातून रक्तदान शिबिर आयोजित केले जाते. यंदाच्या शिबिराचे उद्घाटन उपाध्यक्ष वामनभाऊ उबाळे यांच्या हस्ते व जि. प. सदस्य रणजितसिंह शिंदे यांच्या प्रमुख उपस्थितीत झाले. कै. आ. विठ्ठलराव शिंदे यांच्या प्रतिमा पूजन व दीपप्रज्वलनाने रक्तदानास सुरुवात झाली.
यामध्ये युनिट नंबर १ पिंपळनेर व युनिट नं. २ करकंब येथील कारखाना अधिकारी व कर्मचारी, शेतकरी व कार्यकर्त्यांनी रक्तदानासाठी उत्स्फूर्त सहभाग नोंदवून ७७० जणांनी रक्तदान केले.
सर्व रक्तदात्यांना मास्क व एक लिटर सॅनिटायझर वाटप करण्यात आले. तसेच कुर्डुवाडी येथील आधार, उपचार व पुनर्वसन प्रकल्प उम्मीद या संस्थेतील मुलांना व टेंभूर्णी येथील गोविंद वृद्धाश्रमातील वृद्धांना मिठाई, अल्पोपाहार व फळे वाटप करण्यात आले.
यावेळी कारखान्याचे संचालक सुरेश बागल, पोपटमामा चव्हाण, शिवाजी डोके, पांडुरंग घाडगे, माढा तालुका राष्ट्रवादी युवक अध्यक्ष संभाजी पाटील, बंडूनाना ढवळे, संदीप (भैया) पाटील, नागाभाऊ खटके, कार्यकारी संचालक एस. एन. डिग्रजे, जनरल मॅनेजर एस. आर. यादव (युनिट २), वर्क्स मॅनेजर सी. एस. भोगाडे, केन मॅनेजर एस. पी. थिटे, जनरल मॅनेजर (प्रोसेस) पी. एस. येलपले, फायनान्स मॅनेजर डी. डी. लव्हटे, डिस्टिलरी मॅनेजर पी. व्ही. बागल, जनरल मॅनेजर (एच.आर.) थोरात, मुख्य शेतकी अधिकारी एस. एस. बंडगर, शेतकी अधिकारी एम. एम. चंदनकर, परचेस ऑफिसर जे. डी. देवडकर, मार्केटिंग ऑफिसर एन. एम. नायकुडे, सिव्हील इंजिनिअर एस. आर. शिंदे, हेड टाईम किपर अत्तार, सुरक्षा अधिकारी एफ. एम. दुंगे, कामगार प्रतिनिधी अनिल वीर, युनिट नं. २ चे चीफ इंजिनिअर महामुनी, शेतकी अधिकारी इंगोले, ऊस पुरवठा अधिकारी बालाजी गिड्डे, चीफ केमिस्ट बी. जे. साळुंखे, तानाजी लोंढे, अधिकारी व कर्मचारी तसेच सभासद शेतकरी उपस्थित होते.
-्---
आ. बबनराव शिंदे यांच्या वाढदिवसानिमित्त श्रद्धा केटर्सचे सचिन बळिराम परबत, चिंचगाव यांनी एक हजार रक्तदाते व स्वयंसेवकांसाठी मोफत जेवणाची सोय केली होती.