सोलापूर : पंढरपूर शहरातील सरगम चौकात एसटी बसखाली चिरडून एका महिलेचा मृत्यू झाल्याची घटना बुधवारी दुपारी तीनच्या सुमारास घडली. पंढरपूर शहरासोबतच तालुक्यात अपघातांची संख्या दिवसेंदिवस वाढतच चालल्याचे चित्र दिसून येत आहे.
दरम्यान, पोलिसांनी सांगितलेली माहिती अशी की, एमएच १४ बीटी ११९० क्रमांकांची अकलूज-पंढरपूर ही एसटी बस पंढरपूर बसस्थानकाकडे येत होती. याच दरम्यान, सरगम चौकात एसटी बसखाली चिरडून महिलेचा मृत्यू झाला. जयाबाई थिटे (वय ६५) असे मृत महिलेचे नाव आहे. या घटनेची माहिती मिळताच पंढरपूर शहर पोलrस दलाचे पोलीस आधिकारी व कर्मचारी घटनास्थळी दाखल झाले.
मृतदेह शवविच्छेदनासाठी शासकीय रूग्णालयात पाठविले. घटनेनंतर या परिसरातील वाहतूक विस्कळीत झाली होती. अपघाताची माहिती मिळताच थिटे कुटुंबियांनी पंढरपूर रूग्णालयात धाव घेतली. या अपघाताची नोंद पंढरपूर शहर पोलिस ठाण्यात होत आहे.